A Coruña

Paremos a represión sobre a CIG-Servizos! Concentración na Coruña o 28 de xuño

20080501_mobilizacion.jpg
22/6/11.
Solicitudes de penas de prisión contra dous militantes e máis de 40.000 euros en sancións administrativas a 70 afiliados son parte das represalias do Estado español contra a CIG-Servizos. A Federación, en resposta a estes ataques, organiza unha concentración diante Delegación do Goberno español, na Coruña, o 28 de xuño ás 11:00 horas. Adolfo Naya, secretario nacional de Organización, enfróntase a unha petición de catro anos de cadea pola súa participación na folga de instalacións deportivas. Ao compañeiro Marcos Cadórniga solicítanlle penas de 6 meses a 3 anos de prisión e outra de 10 meses de privación de liberdade tamén por tomar parte en diferentes conflitos laborais.

Yudigar despide unha delegada da CIG-Servizos en pleno proceso electoral

20080718_isidro_de_la_cal_02.jpg
10/6/11.
Yudigar despediu unha delegada e candidata da CIG-Servizos despois de que o sindicato preavisase as eleccións. Esta empresa dedicada á venda de mobiliario e equipamento comercial pretende enmascarar esta represalia alegando causas económicas e ofrecendo unha indemnización de 20 días por ano traballado. CIG-Servizos organiza, o 13 de xuño na Coruña, unha concentración de apoio á compañeira que se desenvolverá a partir das 11:00 horas ás portas do SMAC, onde a esa hora dará comezo o acto de conciliación. A central nacionalista demandará a compañía solicitando a nulidade do despedimento.

Empregadas de Zara mobilízanse contra o abuso da contratación a tempo parcial

Protesta no Zara de Juana de Vega, A Coruña 07
13/5/11.
Medio cento de traballadoras, convocadas polo comité de empresa e apoiadas pola CIG-Servizos e outras centrais, participaron o 13 de maio nunha concentración diante do Zara da rúa coruñesa de Juana de Vega para manifestar a súa oposición ao abuso da contratación a tempo parcial que comete esta firma do emporio de Amancio Ortega.

Arrinca a cuarta edición do ciclo “Saíndo da fábrica”

A folga, filme de Sergei Eisenstein
03/5/11.
A cuarta edición do ciclo de cinema obreiro “Saíndo da fábrica”, que organiza a CIG-Servizos coruñesa ininterrompidamente desde 2008, comeza o 5 de maio coa proxección do filme soviético “A folga”, de Sergei Eisenstein. Os venres haberá debates e coloquios ao remate das películas. O Forum Metropolitano ha ser novamente o local onde se pasen os filmes.

CIG-Servizos obtén maioría absoluta nas instalacións deportivas do Concello da Coruña

partido_futbol.jpg
31/3/11.
CIG-Servizos gañou as eleccións sindicais celebradas o 29 de marzo na empresa Sermasa, encargada da xestión das instalacións deportivas dependentes do Concello da Coruña. A Federación obtivo tres dos cinco representantes do comité de empresa, mentres que UGT e CC.OO conseguiron un cada unha.

Prosegue a loita contra a destrución de postos na auxiliares das caixas

Concentración na sede de Caixa Galicia na Coruña 6
02/11/10.
Máis dun cento de persoas convocadas pola CIG-Servizos concentrouse, o 2 de novembro, ás portas da oficina principal de Caixa Galicia na Coruña para denunciar a perda duns 300 postos nas auxiliares de limpeza e seguridade das caixas galegas.

Medio cento de persoas reclama a readmisión da afiliada despedida en Oysho

16/10/10.
Medio cento de solidarios e solidarias respondeu o 15 de outubro á chamada mobilizadora da CIG-Servizos coruñesa en apoio á readmisión dunha afiliada despedida recentemente no Oysho do centro comercial Dolce Vita. Estaba previsto que se celebrase a concentración diante do propio estabelecemento mais axentes da policía española e membros da seguridade privada impedírono e obrigaron os sindicalistas a realizar a protesta no exterior da grande superficie.

Oysho, do Grupo Inditex, despide unha traballadora por ser da CIG

11/10/10.
O Grupo Inditex, por medio da súa firma Oysho, despediu na Coruña unha empregada por estar afiliada á CIG e por desenvolver unha actividade sindical destacada no seu centro de traballo. CIG-Servizos está a utilizar todos os instrumentos xurídicos ao seu alcance para conseguir a nulidade do despedimento e tamén se ha mobilizar co obxecto de acadar a readmisión da compañeira. O 15 de outubro, ás 17:00 horas, haberá unha concentración diante do Oysho do centro comercial Dolce Vita, o mesmo onde traballaba a operaria represaliada.

O comité de Zara Logística denuncia incumprimentos da Lei de Prevención

Concentración do comité de Zara Logística diante da mutua Fraternidad (04-09-2007)
30/7/10.
Os cinco sindicatos presentes no comité de empresa de Zara Logística, S.A. (CIG, CGT, COG, UXT e CC.OO.) decidiron por unanimidade iniciar unha campaña de denuncia dos incumprimentos en materia de prevención de riscos, seguridade e saúde laboral que se detectan no seu centro, que é o almacén de distribución máis grande do Grupo Inditex no mundo. Os representantes dos traballadores rexistraron unha denuncia na sede coruñesa da Inspección de Traballo o 30 de xullo.

CIG-Servizos apoia a traballadora despedida no Jardiland de Oleiros

Concentración no Jardiland de Oleiros o 23 de xullo
24/7/10.
CIG-Servizos participou na concentración desenvolvida o 23 de xullo diante do estabelecemento de Jardiland en Iñás, no concello de Oleiros, en protesta polo despedimento dunha encargada que reclamou o cumprimento dos seus dereitos. A central nacionalista esixe a readmisión inmediata da operaria. Medio cento de persoas tomou parte na mobilización.

Distribuir contido