A Coruña

Vixilantes de seguridade protestan contra o bloqueo do convenio na apertura do IKEA

Concentración de seguridade privada na apertura do Ikea da Coruña
20/7/10.
Un cento de vixilantes de seguridade privada de toda Galiza tomou parte na concentración convocada pola CIG-Servizos o 20 de xullo en coincidencia coa apertura do estabelecemento de IKEA na Coruña. A protesta serviu para visualizar ante a cidadanía o rexeitamento do sector ante a parálise da negociación do convenio, estancada por mor da inflexibilidade da patronal.

CIG-Servizos convoca unha manifestación de vixilantes na apertura do IKEA coruñés

09/7/10.
CIG-Servizos anima todos os vixilantes de seguridade a asistir á manifestación que convocou en coincidencia coa inauguración do IKEA na Coruña o 20 de xullo. A protesta servirá para dar a coñecer á cidadanía as demandas do sector, que reclama un convenio digno e con dereitos. A marcha dará comezo ás 10:00 horas.

Vegalsa acentúa a represión e sanciona a presidenta do comité da Coruña

20100513_eroski_agrela
14/5/10.
Vegalsa-Eroski está a aumentar a campaña de acoso e represalias sobre os traballadores e representantes do persoal que lle plantan cara. Este grupo de alimentación vén de sancionar, baixo acusacións insidiosas, a presidenta do comité da Coruña, que é delegada da CIG-Servizos, con suspensión de emprego e soldo durante 16 días. A central está a se mobilizar para denunciar os abusos da empresa.

Traballadores de Francisco Parada comezan unha peregrinación a Compostela

20100310_francisco_parada_06.jpg
05/5/10.
Varios empregados de Francisco Parada aos que a empresa lles adebeda mensualidades iniciaron o 5 de maio en Sarria unha peregrinación a pé até Compostela, a onde confían chegar catro días máis tarde. Mentres, o propietario da compañía querelouse contra o asesor sindical da CIG por “calumnias e inxurias” por chamalo moroso, cualificativo que resulta obvio ao teor das débedas cuantiosas que o patrón ten contraídas con asalariados seus.

Comeza a terceira edición do ciclo de cinema obreiro “Saíndo da fábrica”

modern_times_chaplin.jpg
30/4/10.
A terceira edición do ciclo de cinema obreiro “Saíndo da fábrica”, que organiza a CIG-Servizos coruñesa desde 2008, comezou o 29 de abril coa proxección do filme “Modern Times” de Charles Chaplin no Forum Metropolitano. A programación deste ano tamén contempla charlas a cargo de sindicalistas que darán pé a coloquios e debates.

Persoal de Francisco Parada participa nunha “procesión” para manifestar o seu propio calvario

20100331_francisco_parada_via_crucis.jpg
03/4/10.
Os traballadores de Francisco Parada seguen adiante coas protestas para lle reclamar ao patrón o pagamento das mensualidades, que nalgúns casos se demora até sete meses. Persoal da empresa realizou unha “procesión” o 31 de marzo na Coruña que decorreu entre a tenda da rúa Fernando Macías e a vivenda do propio Parada.

Francisco Parada segue adebedando máis de sete mensualidades

Francisco Parada, autocolante
23/3/10.
Francisco Parada, propietario dos estabelecementos homónimos, segue sen pagar os salarios a traballadores da súa empresa. A resposta da CIG-Servizos prosegue con contundencia e o 23 de marzo houbo unha nova concentración fronte á tenda da rúa Fernando Macías da Coruña. Existen casos de empregados que levan máis de sete meses sen percibir o soldo.

Deteñen o compañeiro Adolfo Naya pola súa participación na folga de deportes

17/3/10.
Segunda detención dun membro da CIG-Servizos nunha semana pola súa participación na folga das instalacións deportivas. Desta volta trátase do liberado da Federación comarcal da Coruña Adolfo Naya. O compañeiro, que xa recobrou a liberdade, está acusado da presunta comisión dun delito de coaccións. Non é casual que esta e a anterior detención se producisen unha vez que se desconvocou a folga no sector. Tal circunstancia representa unha vendeta particular da Subdelegación do Goberno español, en conivencia coa patronal, para criminalizar o sindicato.

Continúan as concentracións fronte a Francisco Parada

concentracion_francisco_parada.jpg
11/3/10.
Integrantes da CIG-Servizos continúan a se concentrar periodicamente fronte a estabelecementos de Francisco Parada para demandar o pagamento dos salarios a boa parte do persoal. Mesmo hai casos de traballadores que levan sete meses sen percibir o soldo. A tenda da rúa Fernando Macías da Coruña volveu ser o 10 de marzo o centro das protestas que o sindicato vén desenvolvendo dende hai unhas semanas.

Deteñen o secretario comarcal da CIG-Servizos coruñesa

Salvador Cerqueiro
09/3/10.
Salvador Cerqueiro, secretario comarcal da CIG-Servizos da Coruña, foi detido no seu domicilio pola policía española o 9 de marzo, acusado da presunta comisión dun delito de danos no decurso da folga nas instalacións deportivas. A detención do compañeiro, que permaneceu algo máis dunha hora na Xefatura Superior de Policía, produciuse o mesmo día en que se retomou a actividade no sector logo de máis dun mes de folga indefinida.

Distribuir contido