Albada

Arranca con éxito a folga indefinida na planta de Nostián, malia os abusivos servizos mínimos

O piquete informativo permanecerá 24 horas nas portas das instalacións
29/7/13.
Este domingo iniciábase a folga indefinida na planta de tratamento de residuos de Nostián, que, pesar dos abusivos servizos mínimos –que xa foron recorridos polo Comité- está sendo todo un éxito. Dende as 21:45 horas o piquete informativo permanece de xeito continuado ás portas das instalacións para explicar a traballadores/as e compañeiros/as das empresas que fan o depósito do lixo os motivos da convocatoria.

O Comité de Albada rexeita os servizos mínimos impostos polo Concello por resultar abusivos

O persoal que está activo nas instalacións de Nostián é inferior aos servizos marcados, que o Comité vai recorrer
24/7/13.
O Comité de Albada oponse rotundamente aos servizos mínimos remitidos este mediodía polo Concello da Coruña, xa que resultan totalmente abusivos ao comprender ao 100% dos traballadores/as en activo e desvirtúan a folga indefinida convocada a partir do domingo 28 de xullo na planta de Nostián.

Folga en Albada para o dia 28 se non se readmiten os despedidos/as e se desbloquea a negociación

Os traballadores e traballadoras da planta de Nostián manifestáronse este mércores dende o Ventorrillo até as portas do Concello
17/7/13.
O Comité de Albada está disposto a convocar folga indefinida na planta de Nostián a partir do día 28 de xullo, se a empresa continúa coa súa actitude inmobilista, non se avén a readmitir aos/as 11 traballadores/as despedidos/as e non desbloquea a negociación do convenio colectivo. Así o advertía o Presidente do Comité, Xosé Manuel Vilariño, na manifestación que o persoal da planta realizou esta mañá dende o Centro de Especialidades do Ventorrillo até a Praza de María Pita.

Acampada ás portas de Nostián para esixir a readmisión dos despedidos e na defensa do convenio

O Comité de Albada ten convocada unha marcha a pé este mércores 17 de xullo, dende o Ventorrillo a María Pita, para esixir soluc
16/7/13.
O persoal despedido de Albada, co apoio dos compañeiros e compañeiras, iniciou este luns unha acampada indefinida diante da planta de Nostián para esixir a súa readmisión. A medida de presión enmárcase no calendario de mobilizacións que están a levar a cabo os traballadores/as da planta de tratamento de residuos da Coruña en defensa das condicións laborais e salariais.

O persoal de Albada concéntrase contra a pretensión da empresa de dinamitar o convenio colectivo

A empresa quere cambiar o modelo da planta de reciclaxe polo dunha planta de transferencia de residuos
10/7/13.
Traballadoras e traballadores de Albada concentráronse na mañá deste xoves diante das instalacións da planta de reciclaxe para manifestar a súa oposición á pretensión da empresa de desmantelar o convenio colectivo e aplicar unha rebaixa salarial do 25%. Tras da concentración celebraron xuntanzas cos grupos municipais e teñen acordado un calendario de mobilizacións con novas concentracións, unha acampada indefinida e unha marcha a pé até María Pita.

O Comité de Albada demanda ao edil de Medio Ambiente que actúe con responsabilidade

Ante as declaracións aparecidas na prensa local
18/6/13.
Á vista das declaracións aparecidas na prensa este martes, nas que o Concelleiro de Medio Ambiente da Coruña recoñece e xustifica o despedimento de traballadores/as por parte de Albada na planta de Nostián, o Comité de empresa insta ao responsábel político, unha vez máis, para que intermedie diante da grave situación que se vive nestas instalacións e evite pronunciamentos atrevidos e que faltan á verdade.

O Comité de Albada denuncia que a planta de Nostián se atopa baixo mínimos

A representación dos traballadores/as alerta da saturación das instalacións por mor da falta de persoal
13/6/13.
O Comité de Albada, empresa concesionaria da planta de Residuos Urbanos da Coruña, vén de denunciar que as instalacións de Nostián se atopan baixo mínimos, ao non contar con máis de 30 traballadores/as operativos/as. A esta situación chégase logo do despido de 12 empregados/as e o inicio das vacacións e ao non estar contratando a empresa a ninguén para a súa substitución.

Concentración diante da planta de Nostián contra os despedimentos e o desmantelamento do convenio

Albada despediu a oito traballadores/as en represalia pola negativa do Comité a asumir as rebaixas salariais e laborais
07/6/13.
Traballadores e traballadoras de Albada realizaron este venres, durante dúas horas, unha concentración ás portas da planta de tratamento de residuos de Nostián para rexeitar os despedimentos aplicados pola empresa, tras da negativa do Comité a asumir a rebaixa salarial do 25% e o incremento da xornada semanal que a dirección quere impor na negociación do novo convenio colectivo.

Albada despide a oito traballadores/as como represalia á negativa a asumir unha rebaixa salarial do 25%

Comité e CIG denuncian que detrás do desmantelamento do convenio, a empresa busca unha modificación do actual modelo da planta
31/5/13.
O Comité de Albada compareceu este venres en rolda de prensa para denunciar a política de represión que está a aplicar a empresa (que ten a concesión da planta de Tratamento de Residuos de Nostián) en resposta á negativa do Comité a asumir a rebaixa salarial do 25% e o incremento da xornada semanal que a dirección pretende impor na negociación do novo convenio colectivo.

O Presidente do Comité, Xosé Manuel Vilariño, explicaba que o pasado mes de marzo se constituíu, a instancias da empresa, a mesa de negociación do novo convenio colectivo, todavez que o vixente caducou o 31 de decembro. Na primeira reunión, a dirección presentouse cunha proposta para este 2013 que suporía unha rebaixa salarial do 25% e un incremento da xornada semanal, pasando das 38,5 horas actuais á 42 horas semanais.

O Comité de Albada denuncia sancións e ameazas da empresa a varios traballadores/as

O persoal relaciona a actitude da dirección coa denuncia de vertidos na planta de tratamento de residuos
22/2/13.
O Comité de Empresa de Albada (que ten a concesión da Planta de Tratamento de Residuos Sólidos Urbanos da Coruña) vén de denunciar que a empresa comezou a sancionar e ameazar a varios traballadores/as, despois de que o Comité fixera público o vertido de lixiviados rexistrado nas instalacións o pasado mes de xaneiro.

Distribuir contido