carreira profesional

Comezan as mobilizacións diarias da limpeza do Hospital de Burela

03/10/11.

O persoal da limpeza do Hospital de Burela comezou o 3 de outubro as mobilizacións diarias para lle reclamar á concesionaria a equiparación co Grupo E do Sergas e que retome a negociación do convenio. A asemblea de traballadoras e traballadores, reunida o 27 de setembro, decidiu prolongar as protestas até que Samyl S.L. se comprometa, en firme e por escrito, a cumprir as demandas do cadro de persoal. A empresa, de non asinar o acordo coa parte social, enfrontarase a diferentes medidas de presión.

A limpeza do Hospital de Burela concentrarase a diario para esixir o cumprimento dos acordos

29/9/11.

As traballadoras e traballadores da limpeza do Hospital da Costa de Burela concentraranse a diario, a partir do 3 de outubro, para esixirlle á concesionaria, SAMYL, que cumpra o acordado coa parte social con respecto á equiparación co Grupo E do SERGAS e retome a negociación do convenio, cuxa vixencia expirou en 2006. As protestas desenvolveranse ás 10:45 horas no recibidor do centro.

O xerente do CHUAC comprométese co persoal a mediar coas empresas de limpeza

16/12/09.

O xerente do Complexo Hospitalario Universitario da Coruña (CHUAC) comprometeuse con representantes da CIG-Servizos a mediar coas concesionarias da limpeza para que estas apliquen os convenios colectivos. Mentres, o calendario de mobilizacións continuará até que se produzan avances nas reclamacións dos empregados/as.

A limpeza do CHUAC, disposta a convocar folga se as empresas seguen a incumprir os convenios

11/12/09.

O persoal dos servizos de limpeza dos centros adscritos ao Complexo Hospitalario Universitario da Coruña (CHUAC) continúa co calendario de mobilizacións para esixir ás empresas concesionarias o cumprimento estrito dos convenios colectivos.

O persoal de limpeza do CHUAC mobilízase para esixir ás concesionarias o cumprimento dos convenios

01/12/09.

O persoal dos servizos de limpeza dos centros adscritos ao Complexo Hospitalario Universitario de A Coruña (CHUAC) iniciou o 1 de decembro un calendario de mobilizacións para reclamar ás empresas concesionarias do servizo o cumprimento estrito dos convenios colectivos. CIG-Servizos non descarta convocar folga de non solucionarse a situación.

A folga na Limpeza hospitalaria ourensá será os días 16, 17, 18 e 19 de novembro

02/11/09.

Os persoal da limpeza das institucións hospitalarias da provincia de Ourense decidiu que a folga sexa os días 16, 17, 18 e 19 de novembro. Os paros han ser indefinidos a partir do 21 deste mes se antes non se alcanza un acordo.

EUROLIMP,S.A., empresa maioritaria, está a boicotear as negociacións con propostas que cuestionan a base do convenio como a equiparación salarial dos traballadores e traballadoras co persoal do grupo E do SERGAS, que se vén aplicando desde hai 20 anos.

Haberá folga na Limpeza hospitalaria de Ourense

30/10/09.

Os e as traballadoras da limpeza do Complexo Hospitalario de Ourense (CHOU), pertencentes á empresa EUROLIMP, decidiron por unanimidade a convocatoria de folga ademais doutras mobilizacións no sector, que agrupa todos os centros hospitalarios do SERGAS na provincia. A falta de acordo na negociación do convenio motiva a realización dos paros.

CIG-Servizos apoia as protestas en defensa dos acordos retributivos no SERGAS

28/10/09.

CIG-Servizos anima os traballadores/as da Limpeza hospitalaria, cuxas empresas asinaron a equiparación salarial e laboral co persoal do SERGAS, a secundaren as mobilizacións que está a desenvolver a CIG-Saúde en defensa dos acordos retributivos rubricados en 2008, que o PP decidiu suspender.

O goberno de Núñez Feijoo optou por eliminar estes acordos, supostamente pola crise económica, pois os orzamentos para o vindeiro ano non contemplan ningunha partida destinada a este fin.

Contratas da limpeza do SERGAS incumpren o acordo de equiparación salarial

23/7/09.

As empresas da limpeza dos hospitais do SERGAS que hai cinco meses rubricaron un acordo de equiparación salarial están a incumprir o asinado. Estas concesionarias comprometéranse por escrito o pasado 18 de febreiro a que os seus traballadores cobrasen o mesmo que o persoal do Grupo E do SERGAS. Porén, o 31 de marzo expirou o prazo para aboar os salarios pendentes do plus de equiparación.