CLECE

O comité da limpeza do hospital Xeral de Vigo convocará folga indefinida

As traballadoras/es seguirán coas mobilizacións diarias para rexeitar unha decisión que suporá unha importante perda de dereitos
06/9/13.
Empregadas/os da concesionaria do servizo de limpeza do hospital Xeral-Cíes de Vigo aprobaron hoxe de xeito maioritario a convocatoria de folga indefinida no caso de que Clece, que vén de gañar o concurso tras 24 anos a cargo de Limpiezas Faro, non dea marcha atrás na súa intención da aplicar o convenio provincial. Ao mesmo tempo, decidiron manter as mobilizacións que desenvolven todos os días no centro médico en horario de mañá e tarde.

Persoal de limpeza do Xeral-Cíes protesta contra a intención de non aplicar o convenio propio

Os afectados/as realizan concentracións diarias en hoario de mañá e tarde na entrada do centro médico vigués
03/9/13.
O persoal de limpeza do hospital Xeral-Cíes de Vigo iniciou hoxe as mobilizacións para rexeitar a intención da nova concesionaria do servizo, Clece, de non aplicar o convenio colectivo de empresa, o que suporá unha importante perda de dereitos laborais. As mobilizacións continuarán a diario en horario de mañá e tarde coincidindo coa hora do bocadillo.

Empregadas/os da limpeza do Xeral-Cíes mobiliza- ranse contra a intención de non aplicar o convenio

Realizarán concentracións diarias pola mañá e pola tarde á entrada do centro médico vigués na hora do bocadillo
02/9/13.
O cadro de persoal do servizo de limpeza do hospital vigués Xeral-Cíes convoca unha serie de mobilizacións para rexeitar a intención da nova concesionaria de non aplicar o convenio de empresa que levaba vixente dende a década dos 80. Denuncian que Clece pretende eliminar dereitos laborais e ameaza con aplicar o artigo 41 e modificar substancialmente as condicións de traballo.

O preacordo coa concesionaria da limpeza hospitalaria do CHUS garante a equiparación e a ultraactividade

As traballadoras conseguiron frear a pretensión de rebaixar salarios nun 30%, e incrementar xornada nun 20%
13/3/13.
Grazas á mobilización e á unidade das traballadoras do servizo de limpeza do Complexo Hospitalario Universitario de Santiago (CHUS) conseguiuse frear a pretensión da empresa concesionaria, Clece, de rebaixar os salarios nun 30% e incrementar a xornada laboral nun 20%. E non só iso, tamén se acadaron os principais obxectivos: garantir que se manteña a equiparación co persoal do SERGAS e introducir unha cláusula que garanta a ultraactividade indefinida do convenio. Así se recolle no preacordo ratificado este martes nas asembleas celebradas nos distintos centros de traballo e que foi valorado polo secretario comarcal da CIG de Compostela, Anxo Noceda, como “un éxito”.

O 100% do persoal de limpeza do CHUS secunda a folga contra a rebaixa salarial e incremento da xornada

Mañá xoves concentraranse no Clínico ás 9:00 da mañá para sumarse posteriormente ás 11:00 horas en San Caetano
27/2/13.
Ás 7:00 da mañá deste mércores comezaba a primeira xornada da folga de 48 horas convocada no servizo de limpeza do Complexo Hospitalario Universitario de Santiago, que rematará á mesma hora o día 1 de marzo. Coincidindo coa folga celebráronse concentracións no Hospital Clínico e no de Conxo e para o xoves teñen convocada unha concentración ás 9:00 horas no Clínico e outra as 11:00 horas en San Caetano. O 100% do persoal secunda a convocatoria en demanda de que se manteña a equiparación co persoal do SERGAS e contra a pretensión da empresa de aplicar unha rebaixa salarial do 30% e un incremento de xornada do 20%.

O persoal de limpeza do CHUS irá á folga ante a proposta de Clece de rebaixar os salarios

Acordárono por unanimidade nas asembleas celebradas esta semana
12/2/13.
Ante a parálise e inmobilismo da patronal as traballadoras e traballadores do servizo de limpeza hospitalaria do CHUS acordaron nas asembleas celebradas estes días, e por unanimidade, iniciar mobilizacións que comezarán con dúas xornadas de folga na última semana do mes de febreiro, concretamente os días 27 e 28, e continuarán con outras dúas xornadas de folga na primeira quincena de marzo. A CIG pregúntase se a empresa conta co respaldo ou non do SERGAS.

A CIG-Compostela leva ao Valedor a supresión da paga extra de Nadal ao persoal de limpeza do CHUS

Pola información que ten a central sindical, a xerencia do hospital non descontou á concesionaria Clece esa cantidade
30/1/13.
A CIG de Compostela vén de presentar unha queixa perante o Valedor do Pobo para solicitar desta institución que vele polos dereitos de máis de 350 traballadores/as do servizo de limpeza do CHUS e reclamar o aboamento da paga extraordinaria de Nadal que lle foi suprimida. A empresa concesionaria, Clece, aplicou esta medida amparándose no decreto 20/2012 e a CIG denuncia que a administración non lle descontou a contía correspondente á mesma, co que tería quedado con eses cartos a propia empresa.

A concesionaria da limpeza municipal de Vilagarcía recorta a xornada laboral para aumentar beneficios

O comité de empresa de Clece impugnará a decisión e pedirá o rescate do servizo
18/10/12.
A empresa Clece, concesionaria do servizo de limpeza de edificios e instalacións municipais de Vilagarcía, reducirá entre 5.000 e 5.200 horas anuais a xornada laboral das máis de medio cento de traballadoras/es co obxectivo de aumentar beneficios. Dende o comité (CIG e CCOO) acusan á compañía de facer unha oferta á baixa para gañar o concurso e anuncian que impugnarán a decisión e pedirán o rescate da concesión.

A USC actúa de mala fe no concurso do servizo de limpeza

logo_clece.jpg
19/8/09.
O comité de empresa do servizo de limpeza da Universidade de Santiago de Compostela (USC) critica a forma en que os órganos reitores da institución académica sacaron a concurso a renovación da concesión desta actividade, actualmente xestionada pola empresa CLECE. Os representantes do persoal estudan presentar un recurso e mobilizarse ao comezo do curso.

Segundo explica o comité de empresa, a Vicerreitoría de Asuntos Económicos sacou a concurso o 31 de xullo o procedemento para a renovación da concesión do servizo de limpeza da universidade, de xeito premeditado e aleivoso coa clara intención de que pasase desapercibido e evitar denuncias.

Distribuir contido