comercio de alimentación

CIG-Servizos intensifica a campaña de denuncia do despedimento nun Lidl ourensán

lidl_ourense.jpg
05/12/11.
A Federación de Servizos da CIG anima a afiliación a lle remitir escritos de protesta a Lidl polo seu comportamento desprezábel por despedir unha traballadora a que acusa de substraer unhas papas de cereal para alimentar a súa filla. O sindicato xa manifestou en máis dunha ocasión que esta decisión empresarial é desproporcionada, indecente, obscena e inmoral.

Sucédense os actos de apoio á traballadora dun Lidl ourensán vítima dun despedimento desproporcionado

20111115_lidl_ourense.jpg
15/11/11.
Ducias de delegados e delegadas da CIG-Servizos concentráronse o 15 de novembro fronte aos centros de traballo Lidl en Ourense en protesta polo despedimento dunha traballadora, acusada de substraer unhas papas de cereal para a súa filla. O sindicato cualifica como inxusta, indecente e inmoral esta decisión empresarial, que ademais atenta contra a honorabilidade da empregada. As medidas de presión han continuar até que se alcance un acordo que dignifique a profesionalidade desta traballadora, que conta con máis de 10 anos de antigüidade na compañía.

CIG-Servizos consegue maioría absoluta de votos no almacén de Piadela, do Grupo Gadisa

Protesta en Piadela 2
15/7/11.
CIG-Servizos revalidou a maioría absoluta dos votos (50´78%) no colexio de especialistas do almacén de distribución do Grupo Gadisa, situado en Piadela (Betanzos), nas eleccións celebradas o 14 de xullo. Malia que esta foi a primeira vez en que concorreron catro candidaturas, a da CIG-Servizos conseguiu atraer máis apoios có resto das outras tres xuntas.

A central gaña nas tendas de Gadis da provincia da Coruña

Escrutinio das eleccións de Gadis no almacén de Piadela (30-06-2011)
02/7/11.
CIG-Servizos conseguiu un resultado espectacular nas eleccións ao comité provincial das tendas de Gadis na Coruña ao obter máis do 40% de apoio, que se traduce en 600 votos e 9 delegados. E todo malia as presións habituais e dos intentos da dirección por prexudicar o sindicato nacionalista a través da influencia dos encargados no voto, da contratación a última hora para inflar o censo, de se celebraren as eleccións en período de vacacións ou da difusión de mensaxes apocalípticas no caso de que gañase CIG-Servizos. Máis de 2.000 traballadores e traballadoras estiveron chamadas ás urnas en 90 centros espallados por toda a provincia coruñesa.

A central consegue representación nos Gadis pontevedreses a primeira vez que pode participar

20070116_gadis_betanzos_05.JPG
16/6/11.
CIG-Servizos conseguiu uns resultados meritorios nas eleccións ao comité de empresa dos Gadis da provincia pontevedresa, celebradas o 15 de xuño. A central obtivo dúas delegadas na primeira ocasión en que puido manter a candidatura até a conclusión do proceso. Tanto neste como en anteriores comicios, a empresa, CC.OO e USO perseguiron e acosaron as integrantes da lista da CIG-Servizos co propósito de que renunciasen. Mais desta volta non conseguiron dobregar a súa vontade e o sindicato nacionalista estará presente no órgano de representación do persoal.

A central segue a ser hexemónica nos tres comités máis representativos do Grupo Froiz en Pontevedra

LOGO_CIG-SERVIZOS.JPG
31/5/11.
CIG-Servizos vén de revalidar as maiorías que xa tiña nos tres comités de empresa máis representativos do Grupo Froiz na provincia de Pontevedra nas eleccións celebradas os días 20, 24 e 26 de maio en “Froiz S.A.”, “Prieto Froiz S.A.” e “Distribuciones Froiz S.A.”. Na primeira empresa acadáronse oito delegados dos 13 posíbeis; catro na segunda, mentres que na terceira se conseguiron nove representantes.

Gadis despide traballadores por integrar a lista da CIG-Servizos

20070116_gadis_betanzos_01.jpg
26/5/11.
Cada vez que se aproximan unhas eleccións sindicais Gadis emprega todos os seus esforzos en pór todo tipo de obstáculos á CIG-Servizos para que non poida presentar candidatura ou, no seu defecto, diminúa a súa representación. Actualmente vén de despedir dous traballadores do almacén de Piadela que manifestaron a súa intención de participar na lista do sindicato. Gadis tamén paralizou no último momento a contratación dunha empregada por ser irmá dunha integrante do comité.

Asinado o convenio do comercio de alimentación da provincia de Ourense

Folga no comercio de alimentación: piquete na Coruña 5
28/4/11.
Sindicatos, entre eles a CIG-Servizos, asinaron coa patronal, o 25 de abril, o convenio do comercio de alimentación da provincia de Ourense dos anos 2011-2012. Pactouse, entre diversos aspectos, unha suba de 30 euros ao mes para cada ano de vixencia, un incremento do plus de actividade do 3´6% para o 2011 ou que nas empresas con máis de 30 traballadores haxa un mínimo do 75% de emprego fixo.

CIG-Servizos de Lugo mobilízase contra os despedimentos en Supermercados DIA

Concentración en Supermecados DIA en Lugo 20101125
26/11/10.
Sindicalistas da CIG-Servizos de Lugo concentráronse o 25 de novembro diante do supermercado DIA da Avenida da Coruña en protesta pola ducia de despedimentos en estabelecementos da cadea na cidade. A Federación comarcal tamén lle reprocha a FETICO, que ostenta toda a representación no comité provincial, a súa complicidade e silencio coas represalias da empresa.

CIG-Servizos consegue un resultado excelente nas eleccións en DIA nun proceso longo e con represión

supermercados_dia_copia.jpg
29/5/10.
CIG-Servizos conseguiu tres delegados no comité provincial de Supermercados DIA da Coruña nun proceso electoral que se estendeu durante un ano logo da repetición das votacións en tres ocasións como consecuencia das inxerencias da empresa. FETICO perdeu a hexemonía no órgano de representación dos traballadores pois, até a data, era o único sindicato con presenza no comité. A complicidade desta central coas represalias da compañía pasoulle factura e perdeu a confianza do persoal.

Distribuir contido