Compostela

Concentración en apoio á traballadora despedida a semana pasada

Lugar da concentración
09/12/09.

O vindeiro venres 11 de decembro ás 11 da mañá levarase a cabo unha concentración diante da tenda que Pimkie ten en Compostela para apoiar á compañeira que foi despedida por "baixo rendemento" hai sete días. Tamén queremos aproveitar para denunciar as presións ás que están sometidas constantemente as traballadoras deste centro de traballo por parte da encargada por defender a aplicación do convenio colectivo.

Así que esperámosvos a tod@s diante da tenda... na rúa República do Salvador nº17.

 

Pimkie de Compostela despide a segunda traballadora nun ano

Pimkie.jpg
03/12/09.
A multinacional francesa do téxtil Pimkie despediu unha traballadora do estabelecemento de Compostela, a segunda nun ano. Tal como acontecera no caso anterior, declarado improcedente pola Xustiza, a compañía tamén aduce agora “baixo rendemento” para lle rescindir o contrato á empregada. CIG-Servizos emprenderá accións.

Multiauto é condenada a readmitir os dous empregados despedidos por promoveren eleccións

multiauto_2.jpg
25/11/09.
Un xulgado compostelán ven de condenar Multiauto a readmitir dous traballadores que despedira no verán por promoveren eleccións nesta empresa dedicada ao transporte de automóbiles de alugueiro da compañía Leaseplan. A sentenza declara nulos os despedimentos ao se tratar dun caso de persecución sindical.

Aumentan as protestas do Comercio de Alimentación a dous días para a folga

Ferrol: protesta no Comercio de Alimentación 2
25/11/09.
O persoal do Comercio de Alimentación das provincias da Coruña e Pontevedra continúa coas protestas previas á xornada de folga do 27 de novembro. Traballadores e traballadoras concentráronse, o 24 de novembro, diante de estabelecementos das principais empresas do sector na Coruña, Ferrol, Narón, Compostela, Milladoiro, Pontevedra, Vigo e Vilagarcía.

Proseguen as concentracións contra os despedimentos en Daviña

Concentración en Área Central contra os despedimentos en Daviña 10
13/11/09.
CIG-Servizos de Compostela segue adiante coas concentracións diante das tendas de electrodomésticos Daviña, compañía que pechou recentemente o estabelecemento do Milladoiro e que despediu dúas traballadoras, unha delas delegada de persoal. O 12 de novembro a protesta desenvolveuse no centro comercial Área Central.

Daviña pecha a tenda do Milladoiro e despide dúas traballadoras, entre elas a delegada de persoal

Contra os despedimentos en Daviña 4
09/11/09.
A empresa de electrodomésticos Daviña vén de pechar o centro de traballo do Milladoiro (Ames) e de despedir dúas empregadas, unha delas delegada de persoal. CIG-Servizos iniciou unha campaña de protesta cunha concentración diante dun estabelecemento da compañía en Compostela.

Compostela converteuse nun clamor a prol da xestión pública das emerxencias

Mani bombeiros 03 (20091030)
31/10/09.
Máis dun milleiro de bombeiros chegados desde diferentes comarcas do país participaron na manifestación a favor da xestión pública dos servizos de emerxencias que percorreu as rúas compostelás o 30 de outubro. A marcha, que se desenvolveu nun ambiente bulicioso e fortemente reivindicativo, partiu do Parlamento autonómico e concluíu en San Caetano.

Profesionais de emerxencias manifestaranse o 30 de outubro para reclamar un modelo de xestión pública

Percorrido_mani_bombeiros_20091030.jpg
20/10/09.
Os profesionais de toda Galiza dos servizos de emerxencias están chamados a participar nunha gran manifestación o vindeiro 30 de outubro en Compostela en contra da privatización da xestión do sector e para lle reclamar á Xunta a creación dun servizo público de prevención, extinción de incendios e salvamento, profesionalizado e de calidade.

A manifestación do vindeiro día 30, que partirá ás 11:00 da mañá das portas do Parlamento galego e rematará diante da Consellaría de Presidencia, estará precedida por unha serie de marchas a pé que realizará o persoal desde os distintos centros de traballo até Compostela.

Case medio milleiro de traballadores acode ás asembleas do Comercio de Alimentación coruñés

asemblea_com_alim_corunha_20091004.JPG
06/10/09.
As asembleas de persoal do Comercio de Alimentación celebradas na noitiña do 5 de outubro na Coruña, Compostela e Ferrol lograron congregar, entre as tres, preto de 500 empregados do sector. Os sindicatos convocantes informaron do bloqueo da negociación do convenio provincial.

CIG-Servizos animou os traballadores a se mobilizar para plantarlle cara a unha patronal arrogante que propón mesmo a baixada de salarios.

Unhas 200 persoas concéntranse diante dun xeriátrico Mapfre para reclamar un convenio digno no sector

01/10/09.
Traballadores das residencias privadas da Terceira Idade e delegados e delegadas da CIG e de CCOO iniciaron na mañá do 1 de outubro en Compostela as mobilizacións a prol dun convenio digno e con dereitos para un sector que ocupa máis de 5.000 persoas no noso país.

O persoal, maioritariamente feminino e cuns salarios que se aproximan aos 800 euros, acordou iniciar protestas logo da ruptura da mesa de negociacións, o pasado 17 de setembro, ante a postura intransixente da patronal e as pretensións de recortar os dereitos dos traballadores/as.

Distribuir contido