convenio

O persoal de CESPA de Santiago decidirá en asemblea paros parciais os días 20, 21 e 22 de maio

Denuncian a paralización unilateral, pola empresa, da negociación do convenio para perderen as condicións e dereitos do actual
12/5/15.
Representantes da CIG, UGT e do comité de empresa de CESPA, concesionaria do servizo de mantemento de parques e xardíns de Compostela, compareceron hoxe en rolda de prensa para denunciar a paralización da negociación do convenio; anunciar a presentación dunha denuncia diante da autoridade laboral por non autorizar unha asemblea de traballadores/as prevista para mañá mércores e informar de posíbeis paros parciais e concentracións no Obradoiro os días 20, 21 e 22 de maio, se non se convoca de inmediato a mesa negociadora.

Persoal da CRTVG ratifica o convenio que preserva os dereitos e garante o mantemento do emprego

O proceso de negociación prolongouse durante dous anos
18/3/15.
Cunha alta participación, 750 traballadores/as dun total de 927 (o 80,9%), o cadro de persoal da radiotelevisión pública de Galiza ratificou o xoves pasado o pre-acordo do convenio colectivo asinado pola dirección e os sindicatos CIG, UXT, USO e CCOO. A prol do convenio votou o 53,3% do persoal e o 42,4% fíxoo en contra. Un convenio propio que a CIG da CRTVG considera esencial como mellor marco de protección dos dereitos económicos e laborais e de mantemento do emprego nos medios públicos galegos.

Mobilización do persoal de lavanderías contra os recortes no novo convenio

Concentráronse diante do Hospital Clínico, en Compostela, que opera cunha das principias empresas do sector
27/1/14.
Persoal do sector de lavandarías concentrouse o pasado venres -para darlle continuidade as mobilizacións iniciadas a pasada semana- diante do hospital Clínico de Compostela. Denunciaban así a pretensión da patronal de introducir recortes de dereitos consolidados no novo convenio provincial de Lavandarías, Tinturerías e Pranchado de Roupa, que se está a negociar.

CCOO e UGT venden o persoal de comercio cun convenio que nin sequera se ratificou en asemblea

Co acordo pérdense dereitos adquiridos e empeoran as condicións salariais
29/11/13.
O pasado venres 22 de novembro pola mañá, as centrais sindicais e a patronal de comercio celebraban unha xuntanza máis da negociación de comercio. Esa xuntanza era previa á convocatoria de folga no sector para este venres e para todos os venres seguintes de decembro. Os principais puntos da plataforma reivindicativa estaban acordados polas tres centrais sindicais e foran ratificados en asemblea. Porén, o pasado martes día 26 de novembro, CCOO e UGT asinaban o convenio, coa oposición da CIG, e sen sometelo á ratificación das traballadoras e traballadores.

Empregadas/os da limpeza do Xeral-Cíes forzan unha xuntanza co xerente do Sergas tras unha protesta

A reunión co comité de empresa de Clece, a nova concesionaria do servizo, será este mércores 18 de setembro ás 8.00 horas
13/9/13.
O comité de empresa do servizo de limpeza do hospital Xeral-Cíes de Vigo manterán unha xuntanza co xerente do Sergas o vindeiro mércores 18 tras a protesta celebrada hoxe ás portas do seu despacho no centro médico. As afectadas/os denuncian que Clece, a nova concesionaria, pretende aplicarlles o convenio provincial e modificar as condicións de traballo, polo que manteñen a convocatoria de folga para outubro.

O Comité de Albada presentou un plan de viabilidade que a empresa non acepta e o Concello nin avalía

Os traballadores/as consideran que son o “chivo expiatorio” no conflito económico entre a compañía e o Goberno municipal
03/9/13.
O comité de Albada e as centrais sindicais CIG, UGT e CCOO compareceron en rolda de prensa para explicar as “razóns” do conflito, sinalar “quen son os responsábeis de que non se resolva” e aclarar cales foron os pasos dados polos traballadores/as até agora co obxectivo de acadar unha solución negociada. A representación social entende que o persoal está a ser utilizado “como chivo expiatorio” no pulso que a empresa mantén co Concello da Coruña e denunciaron unha vez máis, que Albada pretenda que sexan os traballadores/as quen paguen os desequilibrios económicos.

Empregadas/os da limpeza do Xeral-Cíes mobiliza- ranse contra a intención de non aplicar o convenio

Realizarán concentracións diarias pola mañá e pola tarde á entrada do centro médico vigués na hora do bocadillo
02/9/13.
O cadro de persoal do servizo de limpeza do hospital vigués Xeral-Cíes convoca unha serie de mobilizacións para rexeitar a intención da nova concesionaria de non aplicar o convenio de empresa que levaba vixente dende a década dos 80. Denuncian que Clece pretende eliminar dereitos laborais e ameaza con aplicar o artigo 41 e modificar substancialmente as condicións de traballo.

Desconvocada a folga indefinida na planta de reciclaxe de Lousame

Conséguese manter o convenio de empresa, a cláusula de ultraactividade e un incremento salarial anual dun 2%
19/7/13.
O 8 de xullo FCC, concesionaria da planta de reciclaxe de Lousame, comunicaba a caída do convenio colectivo de empresa e a aplicación do de Limpeza de Edificios e Locais da Coruña. Iso supuña unha caída salarial dun 20% aproximadamente e un incremento da xornada en case dúas horas semanais. Na tarde deste xoves asinábase o novo convenio de empresa e desconvocábase, en consecuencia a folga indefinida prevista a partir do sábado 20 de xullo.

Asínase a prórroga do convenio de comercio vario da Coruña por un ano grazas a un día de folga

Desconvócanse, xa que logo, as mobilizacións previstas para o mes de setembro
19/7/13.
A loita das traballadoras e traballadores de comercio vario da provincia da Coruña, que protagonizaron unha xornada de folga o pasado 1 de xullo, deu os seus froitos. Esta mañá a comisión negociadora asinaba o acordo de manter a ultravixencia do convenio por un ano garantíndose así o mantemento das condicións laborais durante este período. A CIG-Servizos manifesta a súa satisfacción por este acordo polo que quedan inicialmente desconvocadas as mobilizacións previstas para o mes de setembro.

Desconvocada a folga en Urbaser tras o acordo de mantemento da xubilación parcial e anticipada

Estaba previsto o seu inicio para o domingo día 21 de xullo
19/7/13.
A folga indefinida convocada no servizo de recollido de lixo de Santiago non chegará sequera a iniciarse. Urbaser, empresa concesionaria, asinaba na tarde deste xoves un acordo polo que se manteñen os dereitos sociais que estaban xa acordados. A empresa pretendía eliminar o dereito á xubilación parcial e anticipada. A CIG-Servizos manifesta a súa satisfacción ante o remate do conflito.

Distribuir contido