Ferrol

A Federación insiste en lle rescindir a concesión a Serviasistencia

13/1/12.

O persoal de Serviasistencia retomou as mobilizacións para esixir o cobramento dos salarios, que non percibe desde hai máis de tres meses. Un grupo de traballadoras concentrouse o 12 de xaneiro ás portas do Concello de Ferrol. No interior, os compañeiros Francisco Cartelle e Cristina Martínez Padín esixíronlle ao tenente de alcalde José Manuel Vilariño que o Goberno local expediente e lle rescinda o contrato a Serviasistencia.

As empregadas de Serviasistencia levan tres meses sen cobrar

09/1/12.

As traballadoras de Serviasistencia, unha das compañías encargadas do servizo de axuda a domicilio no Concello de Ferrol, levan máis de tres meses sen cobrar os seus salarios. Ademais, a empresa non respecta o descanso legal e non lles paga a nocturnidade nin as horas extraordinarias, aspectos todos eles contemplados no convenio e cuxo incumprimento xa foi denunciado en reiteradas ocasións pola CIG-Servizos.

Prosegur acosa un traballador por ir nas listas da CIG-Servizos

28/10/11.

A empresa de seguridade Prosegur trasladou de centro un afiliado como represalia por ter participado na candidatura da CIG-Servizos nas eleccións sindicais. A Federación comarcal de Ferrol convoca unha concentración contra o acoso laboral e en solidariedade co compañeiro que se ha desenvolver o 2 de novembro, ás 09:00 horas, fronte aos xulgados da cidade, onde nese momento se vai celebrar a vista por este caso.

Os empregados de Emafesa maniféstanse en demanda dun convenio xusto

25/4/11.

Persoal da Empresa Mixta de Augas de Ferrol (EMAFESA), participada nun 51% polo Concello e nun 49% por Urbaser, continuou o 19 de abril co calendario de mobilizacións para demandar a negociación dun novo convenio que recolla melloras salariais e laborais. Desta volta, o persoal realizou un paro laboral de tres horas e partiu en manifestación até as portas do Concello, onde mantivo un encontro co alcalde.

O persoal do Pazo de Libunca prosegue coas xornadas de folga

25/4/11.

Os traballadores e traballadoras do Pazo de Libunca, pertencentes á empresa N. Barros Gestión Hotelera, secundaron novas xornadas de folga os días 22 e 23 de abril como medida de protesta polos impagamentos que veñen sufrindo desde hai meses.

Continúan as protestas dos traballadores de Emafesa

14/4/11.

Persoal da Empresa Mixta de Augas de Ferrol, Emafesa, prosegue coas mobilizacións en demanda dun novo convenio que contemple melloras salariais e sociais. O 14 de abril desenvolveuse unha concentración diante da sede da compañía e, para o 19 deste mes, hai convocado un paro de 11:00 a 14:00 horas, que coincidirá cunha protesta ás portas do Concello.

CIG-Servizos solicita un embargo preventivo para que cobren os empregados do Pazo de Libunca

13/4/11.

O persoal do Pazo de Libunca aínda non percibiu parte dos salarios de decembro e xaneiro. Esta circunstancia levou a CIG-Servizos a solicitar un embargo preventivo das cantidades que varias entidades e partidos políticos teñen pendentes de pagamento con este estabelecemento hostaleiro naronés, propiedade da deputada autonómica do PP Natalia Barros. Os días 16, 22 e 23 de abril hai convocados paros de 24 horas.

A Federación consegue toda a representación nas instalacións deportivas da Malata

09/4/11.

CIG-Servizos obtivo os tres delegados de persoal que se disputaban nas eleccións celebradas o 7 de abril en Serviocio, no seu centro de traballo das instalacións deportivas municipais da Malata, en Ferrol. Nas votacións participou o 80% do censo electoral.

Persoal de Emafesa mobilízase en demanda dun convenio que contemple melloras salariais

31/3/11.

Os traballadores e as traballadoras de Emafesa (Empresa Mixta de Augas de Ferrol, S.A.) comezaron na mañá do 30 de marzo as mobilizacións en contra da conxelación das retribucións e a prol da sinatura dun novo convenio que recolla melloras salariais e sociais. O 2 de abril desenvolverase unha asemblea no local da CIG de Ferrol para determinar o calendario de protestas.

CIG-Servizos solicita ao Concello ferrolán a rescisión da concesión a Serviasistencia

12/2/11.

A Federación de Servizos da CIG solicítalle ao Concello de Ferrol que rescinda a concesión a Serviasistencia, empresa que xestiona o servizo municipal de axuda a domicilio, por falta de pagamento ao persoal e polos incumprimentos sistemáticos do convenio colectivo. As traballadoras están dispostas a retomaren as mobilizacións en caso de que non se acade unha pronta solución ao conflito.