instalacións deportivas

O persoal de limpeza de Gaia suspende a folga temporalmente ante o inicio da mediación do AGA

A primeira reunión entre as partes terá lugar este mesmo xoves, 8 de maio
06/5/14.
As traballadoras e traballadores dos servizos de limpeza de Gaia acordaron suspender a partir de mañá, mércores 7 de maio, a folga iniciada hai máis de dúas semanas, ao conseguir que se fixe unha data para a mediación do AGA no conflito colectivo presentado contra a modificación das condicións de traballo.

Persoal de limpeza de Gaia cumpre terceiro día de folga contra a modificación das condicións

A empresa ten a concesión dos complexos deportivos da Xunta na Coruña
16/4/14.
Traballadores e traballadoras das instalacións deportivas da Xunta xestionadas por Gaia concentráronse este mércores diante do complexo de Elviña (A Coruña) en apoio ao persoal de limpeza, que hoxe cumpre a terceira xornada de folga en contra da modificación substancial das condicións de traballo que a empresa pretende impor.

O Comité de Gaia-Movex denuncia que a UTE despide 2 traballadores e contrata novo persoal

Reclaman da Fundación Deporte Galego, titular dos complexos que xestiona a empresa, que interveña ante os incumprimentos
23/10/13.
O Comité da UTE Gaia GD-Movex Vial compareceu este mércores en rolda de prensa para denunciar as irregularidades que está a practicar a empresa, que xestiona os complexos deportivos da Sardiñeira, Elviña e Agra, e demandar da Fundación Deporte Galego (dependente da Xunta de Galiza) que interveña, na súa calidade de titular das instalacións, ante os manifestos e reiterados incumprimentos da empresa.

O Comité da UTE Gaia-Movex Vial rexeita os despedimentos e pide a actuación da administración

Critican que a Fundación Deporte Galego, titular das instalacións que xestiona a UTE, permita o incumprimento das condicións
09/10/13.
O Comité de empresa dos Complexos Deportivos de Sardiñeira, Elviña e Agra situados na Coruña, propiedade da Xunta de Galiza e xestionados pola UTE Gaia GD-Movex Vial, manifestaron o seu rexeitamento e desaprobación polo despedimento de dous compañeiros.

Imputan o reitor da USC pola presunta comisión dos delitos de prevaricación e malversación de fondos

20120113_rolda_prensa_sobre_casares_long.jpg
13/1/12.
O reitor da Universidade de Santiago de Compostela (USC), Juan Casares Long, terá que comparecer como imputado o 6 de febreiro no xulgado de Instrución número 2 da cidade como presunto autor dos delitos de prevaricación e malversación de fondos públicos. Esta citación xudicial é consecuencia da querela presentada contra el pola CIG-Servizos e UGT. Ambas centrais entenden que, baixo o seu mandato, a Fundación USC-Deportiva consolidou unha traballadora sen convocatoria pública nin proceso selectivo. Os dous sindicatos piden a dimisión do reitor.

A Federación esíxelle a Sermasa que abone de inmediato os salarios adebedados

20080305_folga_deportes_a_corunha_01
14/12/11.
Traballadores de Sermasa, empresa concesionaria, entre outros servizos, das instalacións deportivas do Concello da Coruña, aínda non cobraron a nómina de novembro. Os atrasos na percepción das retribucións sucédense desde hai meses, mais nunca con tanta demora. CIG-Servizos insta as institucións públicas a que tomen as medidas oportunas para rematar cos incumprimentos de Sermasa.

O TSXG estima o conflito colectivo presentado nas instalacións deportivas

20080229_deportes_ferrol_01
30/11/11.
A Sala do Social do Tribunal Superior de Xustiza de Galiza estimou a demanda de conflito colectivo que presentara a CIG-Servizos sobre a interpretación e aplicación de varios preceptos do convenio galego de instalacións deportivas relacionados coa xornada, descansos e a percepción do complemento de transporte. Este pronunciamento xudicial coincide coas pretensións contidas na demanda do sindicato.

CIG-Servizos rexeita a supresión dos cursos de ximnasia e natación para os maiores vigueses

piscina.jpg
12/9/11.
A Sección Sindical da CIG-Servizos nas piscinas municipais de Vigo emitiu un comunicado no que rexeita a supresión, a partir do 15 de outubro, dos cursos de natación e ximnasia destinados a maiores. Esta medida do Concello non só privará destas actividades a 400 persoas, senón que repercutirá de maneira negativa sobre os e as monitoras, que verán minguadas as horas de traballo e, por conseguinte, os salarios.

O sindicato presenta un conflito colectivo no convenio de instalacións deportivas

20091126_folga_deportes_corunha
16/7/11.
CIG-Servizos vén de presentar ante a Dirección Xeral de Relacións Laborais da Xunta unha papeleta de conflito colectivo fronte á patronal AXIDEGA para que se dirima unha serie de discrepancias na interpretación de varios artigos do convenio galego de instalacións deportivas. A central tamén solicitou que sexan citados ao acto de conciliación, previo á vía xudicial, os sindicatos UGT e CC.OO.

Aprazado o xuízo contra Adolfo Naya

20110628 Concentración solidaria na Delegación do Goberno español (foto www.galizacontrainfo.org)
14/7/11.
A maxistrada do Xulgado do Penal nº5 da Coruña adiou sine die a vista contra Adolfo Naya ante a imposibilidade de celebrala en tan só media hora, duración que lle asignara na súa axenda. A xuíza tomou esta decisión tras ouvir o anuncio da avogada defensora de que ía presentar dúas testemuñas no propio acto.

Distribuir contido