mobilizacións

Prosegue a loita contra os dous despedimentos en SEPLUSA

20111003_seplusa_deputacion_lugo.jpg
04/10/11.
Os accesos á Deputación de Lugo foron de novo o escenario elixido pola CIG-Servizos, o 3 de outubro, para se concentrar en protesta polo despedimento de dous traballadores de SEPLUSA, sociedade dependente do organismo provincial. A empresa botou estes operarios porque a demandaron como consecuencia do cobro incorrecto dos salarios. A Federación denuncia que o PSOE e mais o BNG, forzas que gobernan a Deputación, están a permitir a conculcación de dereitos fundamentais a traballadores que prestan os seus servizos nesta sociedade pública.

Comezan as mobilizacións diarias da limpeza do Hospital de Burela

20111003_limpeza_hospital_burela.jpg
03/10/11.
O persoal da limpeza do Hospital de Burela comezou o 3 de outubro as mobilizacións diarias para lle reclamar á concesionaria a equiparación co Grupo E do Sergas e que retome a negociación do convenio. A asemblea de traballadoras e traballadores, reunida o 27 de setembro, decidiu prolongar as protestas até que Samyl S.L. se comprometa, en firme e por escrito, a cumprir as demandas do cadro de persoal. A empresa, de non asinar o acordo coa parte social, enfrontarase a diferentes medidas de presión.

A limpeza do Hospital de Burela concentrarase a diario para esixir o cumprimento dos acordos

protesta_limpeza_hospital_de_burela.jpg
29/9/11.
As traballadoras e traballadores da limpeza do Hospital da Costa de Burela concentraranse a diario, a partir do 3 de outubro, para esixirlle á concesionaria, SAMYL, que cumpra o acordado coa parte social con respecto á equiparación co Grupo E do SERGAS e retome a negociación do convenio, cuxa vixencia expirou en 2006. As protestas desenvolveranse ás 10:45 horas no recibidor do centro.

Retómanse as protestas contra os despedimentos no Carrefour de Lugo

20110920_carrefour_lugo
21/9/11.
CIG-Servizos de Lugo protagonizou, o 20 de setembro, unha protesta nas instalacións do Carrefour da cidade para denunciar os despedimentos de tres empregadas da sección de chacinaría ocorridos meses atrás. A central retoma así o calendario de mobilizacións, iniciado en maio, coincidindo coa proximidade da celebración do xuízo.

O sindicato mobilízase contra a represión do Goberno español

20110628 Concentración fronte á Delegación do Goberno en contra da represión sindical
28/6/11.
Varios centos de traballadores e traballadoras, delegados e cadros do sindicato déronse cita na Coruña, o 28 de abril, na concentración organizada diante da Delegación do Goberno español contra a represión exercida polo Estado contra a Federación. En 2010 as diferentes Subdelegacións impuxéronlles a 70 afiliados sancións que superan os 40.000 euros. Ademais, existen peticións de cadea para dous militantes, Adolfo Naya e Marcos Cadórniga, por ter exercido os dereitos fundamentais á folga e á liberdade sindical.

Paremos a represión sobre a CIG-Servizos! Concentración na Coruña o 28 de xuño

20080501_mobilizacion.jpg
22/6/11.
Solicitudes de penas de prisión contra dous militantes e máis de 40.000 euros en sancións administrativas a 70 afiliados son parte das represalias do Estado español contra a CIG-Servizos. A Federación, en resposta a estes ataques, organiza unha concentración diante Delegación do Goberno español, na Coruña, o 28 de xuño ás 11:00 horas. Adolfo Naya, secretario nacional de Organización, enfróntase a unha petición de catro anos de cadea pola súa participación na folga de instalacións deportivas. Ao compañeiro Marcos Cadórniga solicítanlle penas de 6 meses a 3 anos de prisión e outra de 10 meses de privación de liberdade tamén por tomar parte en diferentes conflitos laborais.

Yudigar despide unha delegada da CIG-Servizos en pleno proceso electoral

20080718_isidro_de_la_cal_02.jpg
10/6/11.
Yudigar despediu unha delegada e candidata da CIG-Servizos despois de que o sindicato preavisase as eleccións. Esta empresa dedicada á venda de mobiliario e equipamento comercial pretende enmascarar esta represalia alegando causas económicas e ofrecendo unha indemnización de 20 días por ano traballado. CIG-Servizos organiza, o 13 de xuño na Coruña, unha concentración de apoio á compañeira que se desenvolverá a partir das 11:00 horas ás portas do SMAC, onde a esa hora dará comezo o acto de conciliación. A central nacionalista demandará a compañía solicitando a nulidade do despedimento.

A CIG convoca a “Marcha galega polo emprego” entre os días 29 de xuño e 3 de xullo

Eleccións sindicais
10/6/11.
A CIG presentou a “Marcha galega polo emprego”, unha grande mobilización na que se agarda que tomen parte desempregados/as de toda Galiza, que percorrerán a pé o país. Os participantes partirán das cidades o 29 de xuño e rematarán en Compostela o 3 de xullo cunha manifestación nacional. Con esta marcha preténdese sensibilizar a poboación ante o grande problema que supón o paro e esixir a posta en marcha de toda unha serie de medidas que permitan o crecemento económico e a creación de emprego.

Continúan as protestas de repulsa ante os despedimentos en Carrefour

concentracion_carrefour_lugo_25-05-2011.jpg
25/5/11.
CIG-Servizos de Lugo prosegue co calendario de mobilizacións ás portas do SMAC contra os tres despedimentos acontecidos recentemente na sección de chacinaría do Carrefour da cidade. A Federación manifesta o seu propósito de continuar coas protestas, mesmo no propio hipermercado, en caso de que a empresa non readmita as compañeiras.

Iníciase en Lugo unha campaña de denuncia do acoso en Carrefour

carrefour_lugo_concentracion_19-05-2011.jpg
24/5/11.
A Federación de Servizos da CIG organizou o 19 de maio a primeira das concentracións de repulsa previstas contra a vaga de despedimentos de traballadoras no Carrefour de Lugo. A protesta realizouse diante do SMAC da cidade en coincidencia co primeiro acto de conciliación. As mobilizacións repetiranse diante deste organismo administrativo e tamén perante o propio hipermercado.

Distribuir contido