mobilizacións

Empregadas de Zara mobilízanse contra o abuso da contratación a tempo parcial

Protesta no Zara de Juana de Vega, A Coruña 07
13/5/11.
Medio cento de traballadoras, convocadas polo comité de empresa e apoiadas pola CIG-Servizos e outras centrais, participaron o 13 de maio nunha concentración diante do Zara da rúa coruñesa de Juana de Vega para manifestar a súa oposición ao abuso da contratación a tempo parcial que comete esta firma do emporio de Amancio Ortega.

Os empregados de Emafesa maniféstanse en demanda dun convenio xusto

19042011001.jpg
25/4/11.
Persoal da Empresa Mixta de Augas de Ferrol (EMAFESA), participada nun 51% polo Concello e nun 49% por Urbaser, continuou o 19 de abril co calendario de mobilizacións para demandar a negociación dun novo convenio que recolla melloras salariais e laborais. Desta volta, o persoal realizou un paro laboral de tres horas e partiu en manifestación até as portas do Concello, onde mantivo un encontro co alcalde.

Continúan as protestas dos traballadores de Emafesa

concentracion_emafesa_14-04-2011.jpg
14/4/11.
Persoal da Empresa Mixta de Augas de Ferrol, Emafesa, prosegue coas mobilizacións en demanda dun novo convenio que contemple melloras salariais e sociais. O 14 de abril desenvolveuse unha concentración diante da sede da compañía e, para o 19 deste mes, hai convocado un paro de 11:00 a 14:00 horas, que coincidirá cunha protesta ás portas do Concello.

Persoal de Emafesa mobilízase en demanda dun convenio que contemple melloras salariais

emafesa_ferrol.jpg
31/3/11.
Os traballadores e as traballadoras de Emafesa (Empresa Mixta de Augas de Ferrol, S.A.) comezaron na mañá do 30 de marzo as mobilizacións en contra da conxelación das retribucións e a prol da sinatura dun novo convenio que recolla melloras salariais e sociais. O 2 de abril desenvolverase unha asemblea no local da CIG de Ferrol para determinar o calendario de protestas.

A limpeza do Hospital de Burela mobilízase para reclamar a sinatura do novo convenio

Hospital da Costa de Burela, concentración do persoal de limpeza
28/2/11.
As traballadoras e traballadores do servizo de limpeza no Hospital da Costa de Burela concentráronse o 24 e febreiro por espazo de media hora no vestíbulo do centro para lle reclamar á concesionaria, Samyl S.L., que o novo convenio colectivo os equipare en xornada co Grupo E do SERGAS. O persoal pretende acadar unha equiparación total (a salarial xa se conseguiu) tal e como ocorre no resto de centros hospitalarios do país.

CIG-Servizos mobilízase en contra dos despedimentos no Gran Hotel de Lugo

Contra os despedimentos no Gran Hotel de Lugo 4
17/2/11.
Militantes da CIG-Servizos de Lugo realizaron o 17 de febreiro unha concentración diante do Gran Hotel, sito na rúa Ramón Ferreiro, en repulsa polo despedimento recente de 12 empregados. Ese mesmo día, o persoal secundou un paro dunha hora.

CIG-Servizos fai patente na rúa a súa oposición ao convenio de seguridade privada

20101214_mani_seguridade_vigo
15/12/10.
CIG-Servizos reuniu o 14 de decembro en Vigo algo máis dun cento de delegados e traballadores da seguridade privada na manifestación de protesta contra o convenio asinado en Madrid, que consagra a perda de poder adquisitivo, entre outras consecuencias negativas. Na marcha tamén se reivindicou a negociación dun convenio galego sectorial como solución ás demandas dos vixilantes.

Centos de persoas apoian nunha marcha a loita da limpeza dos colexios vigueses

20101203 Vigo, manifestación do persoal de limpeza dos colexios públicos
06/12/10.
Unhas 300 persoas secundaron o 3 de decembro en Vigo a manifestación convocada pola CIG-Servizos en apoio ás traballadoras da limpeza dos colexios públicos da cidade, que permanecen en folga desde o 15 de novembro. O sindicato puxo a venda bonos solidarios como consecuencia da prolongación do conflito por mor do inmobilismo do Concello e da concesionaria, Linorsa.

Manifestación nacional contra o convenio de seguridade o 14 de decembro en Vigo

20091204_seguridade_corunha_11
29/11/10.
CIG-Servizos convoca, o 14 de decembro en Vigo, unha manifestación nacional contra a sinatura do convenio estatal de seguridade privada. A marcha partirá ás 10:30 horas desde a Praza de España e percorrerá diversas rúas do centro da cidade. A Federación fretará autobuses desde as comarcas.

CIG-Servizos de Lugo mobilízase contra os despedimentos en Supermercados DIA

Concentración en Supermecados DIA en Lugo 20101125
26/11/10.
Sindicalistas da CIG-Servizos de Lugo concentráronse o 25 de novembro diante do supermercado DIA da Avenida da Coruña en protesta pola ducia de despedimentos en estabelecementos da cadea na cidade. A Federación comarcal tamén lle reprocha a FETICO, que ostenta toda a representación no comité provincial, a súa complicidade e silencio coas represalias da empresa.

Distribuir contido