mobilizacións

Persoal da limpeza de todo o país solidarízase coas despedidas nun Alcampo de Vigo

20100304_alcampo_vigo.jpg
05/3/10.
Concentracións simultáneas ás portas dos Alcampo de Coia (Vigo), A Coruña, Ferrol e Compostela mostraron, o 4 de marzo, a solidariedade coas 12 traballadoras da limpeza despedidas recentemente na cidade olívica ao non seren subrogadas á nova contrata do servizo.

CIG-Servizos protesta contra o despedimento dun afiliado en Eroski

20100224_eroski_corunha.jpg
24/2/10.
Delegados sindicais e traballadores de Vegalsa-Eroski realizaron o 24 de febreiro unha concentración en coincidencia coa inauguración dun novo hipermercado na Coruña para protestar contra o despedimento dun afiliado que conformaba a candidatura para as eleccións sindicais. A concentración tamén serviu para censurar a explotación laboral e a persecución sindical na empresa.

Os traballadores de Francisco Parada mobilízanse para reclamar o cobro dos atrasos

20100224_francisco_parada.jpg
18/2/10.
O persoal de Francisco Parada, empresa dedicada á comercialización e instalación de materiais de alta gama para cuartos de baños, iniciou o 18 de febreiro mobilizacións na Coruña para reclamar o pagamento dos atrasos salariais, que en moitos casos chegan até os seis meses. Os traballadores tiveron que recorrer á Xustiza para conseguir a rescisión dos seus contratos, pois o empresario négase sistematicamente a proceder ao despedimento.

Trescentos delegados protestan contra os despedimentos na limpeza dun Alcampo vigués

20100210_limpeza_alcampo_vigo_3.jpg
11/2/10.
Delegados de CIG-Servizos e doutros sindicatos concentráronse o 10 de febreiro ás portas do Alcampo de Coia (Vigo) como mostra de rexeitamento contra o despedimento de 12 traballadoras da limpeza que non foron subrogadas á empresa que recentemente se fixo cargo do servizo, “Amil Lago Servicios Generales S.L.”. A protesta estivo controlada de preto por un amplo dispositivo policial, que os sindicatos non dubidaron en cualificar de abusivo e coercitivo.

Despedidas 12 traballadoras da limpeza nun Alcampo vigués ao non seren subrogadas

20100205_limpeza_alcampo.jpg
05/2/10.
O cambio de contrata da limpeza nun Alcampo vigués supuxo o despedimento de 12 traballadoras que non foron subrogadas á empresa que se fixo cargo do servizo, “Amil Lago Servicios Generales S.L.”. Dita situación contravén o estipulado no Estatuto dos Traballadores e no convenio de aplicación, o de limpeza de edificios e locais da provincia de Pontevedra. O persoal estase a mobilizar para denunciar esta ilegalidade.

CIG-Servizos mobilízase contra o recorte horario na limpeza bancaria

20100118_limpeza_bancos_vigo
19/1/10.
Ducias de delegados/as chegados desde diferentes comarcas do país mobilizáronse en Vigo o 18 de xaneiro onde protagonizaron protestas en sucursais de Caixanova e BBVA para censurar o recorte de horas aos traballadores/as da limpeza.

As accións consistiron en concentracións no exterior e ocupacións de oficinas. Representantes sindicais lograron entrevistarse cos directores das sucursais para lles trasladar as demandas dos empregados/as da limpeza, mulleres na súa maioría con contratos a tempo parcial.

O persoal de instalacións deportivas traslada ás rúas as súas demandas

Marcha solidaria na Coruña por un convenio galego de instalacións deportivas 7
18/1/10.
Do mesmo xeito que en convocatorias anteriores, a terceira fase na folga de instalacións deportivas está a rexistrar un amplo seguimento que se visualiza co peche de ducias de centros por toda a xeografía nacional. Mentres, marchas solidarias cos traballadores e traballadoras do sector percorreron as rúas coruñesas e ferrolás o 17 de xaneiro.

A terceira fase dos paros nas instalacións deportivas comeza o 16 de xaneiro

20100114_folga_deportes
14/1/10.
Se a patronal non o remedia, o 16 de xaneiro dará comezo a terceira fase da folga nas instalacións deportivas de Galiza. Os paros estenderanse até o día 20 deste mes e, de non haber acordo, a medida de presión converterase en indefinida desde o 1 de febreiro. Por outra banda, os traballadores realizarán, o 17 de xaneiro, unha marcha reivindicativa na Coruña que partirá ás 12:00 horas desde o Palacio de Deportes de Riazor e que concluirá na praza de María Pita.

Os comités dos Alcampo de Vigo proseguen coas mobilizacións contra o cambio de horarios

09/1/10.
Continúan as concentracións do persoal dos Alcampo de Vigo contra a intención da empresa de modificar os horarios de maneira unilateral. Traballadores e traballadoras, apoiados pola CIG-Servizos, mobilizáronse o 7 de xaneiro ás portas dos estabelecementos que a multinacional francesa posúe en Coia e na avenida de Madrid.

As protestas da limpeza do CHUAC chegan até as portas do Centro de Especialidades do Ventorrillo

20100108_limpeza_ventorrillo.jpg
09/1/10.
As traballadoras e os traballadores do servizo de limpeza dos centros adscritos ao CHUAC continúan nestes primeiros días do ano co calendario de mobilizacións en demanda do cumprimento dos convenios colectivos e na defensa dos seus dereitos laborais. As protestas trasladáronse o 8 de xaneiro até o Centro de Especialidades do Ventorrillo.

Distribuir contido