mobilizacións

CIG-Servizos mobilizarase ante o bloqueo do convenio de Seguridade privada

seguridade_mani.jpg
28/10/09.
O bloqueo da negociación do convenio de Seguridade privada, onde a patronal ofrece conxelar os salarios en 2009 e unha suba de 6 euros ao mes para 2010, obriga a CIG-Servizos a se mobilizar para inverter a situación. USO e UGT, culpábeis da quebra da unidade de acción, escenificaron unha pantomima ao dar por rotas as negociacións, cando as súas propostas coinciden ao 95% coas dos empresarios.

CIG-Servizos apoia as protestas en defensa dos acordos retributivos no SERGAS

20080423_tecnicos_sanitarios_sergas_corunha_03.jpg
28/10/09.
CIG-Servizos anima os traballadores/as da Limpeza hospitalaria, cuxas empresas asinaron a equiparación salarial e laboral co persoal do SERGAS, a secundaren as mobilizacións que está a desenvolver a CIG-Saúde en defensa dos acordos retributivos rubricados en 2008, que o PP decidiu suspender.

O goberno de Núñez Feijoo optou por eliminar estes acordos, supostamente pola crise económica, pois os orzamentos para o vindeiro ano non contemplan ningunha partida destinada a este fin.

Bombeiros do Morrazo conseguen que a Deputación medie para readmitir o compañeiro despedido

22102009299.jpg
23/10/09.
Bombeiros do Parque Comarcal do Morrazo protagonizaron o 22 de outubro unha concentración na Deputación de Pontevedra coa intención de que o organismo provincial medie no conflito desatado tralo despedimento dun compañeiro pola concesionaria, Celta Prix. O vicepresidente da Deputación, José Enrique Sotelo, que ao mesmo tempo preside o Consorcio Comarcal do Morrazo, comprometeuse a manter unha xuntanza o vindeiro 28 de outubro coa empresa e a CIG-Servizos para atopar unha solución.

As protestas dos traballadores dos xeriátricos ouvíronse en Vilanova de Arousa

IMG_9906_grande.jpg
21/10/09.
Case un cento de traballadores e traballadoras do sector de Residencias Privadas da Terceira Idade participou na concentración de protesta diante do xeriátrico “Valle Inclán” en Vilanova de Arousa, acto enmarcado dentro do calendario de mobilizacións en demanda dun convenio digno para este colectivo.

A patronal, da que as organizacións sindicais continúan sen ter novas,  pretende aproveitar a negociación do convenio para introducir recortes nos dereitos dos traballadores e traballadoras e a frear calquera tipo de mellora nas condicións laborais.

Profesionais de emerxencias manifestaranse o 30 de outubro para reclamar un modelo de xestión pública

Percorrido_mani_bombeiros_20091030.jpg
20/10/09.
Os profesionais de toda Galiza dos servizos de emerxencias están chamados a participar nunha gran manifestación o vindeiro 30 de outubro en Compostela en contra da privatización da xestión do sector e para lle reclamar á Xunta a creación dun servizo público de prevención, extinción de incendios e salvamento, profesionalizado e de calidade.

A manifestación do vindeiro día 30, que partirá ás 11:00 da mañá das portas do Parlamento galego e rematará diante da Consellaría de Presidencia, estará precedida por unha serie de marchas a pé que realizará o persoal desde os distintos centros de traballo até Compostela.

Traballadores da seguridade privada do centro comercial de Narón convocan unha nova folga

19/10/09.
O persoal de seguridade do centro comercial de Narón terá que se mobilizar máis unha vez debido a que a empresa Syser non lle pagou o salario de setembro. Entre as medidas de presión encóntrase unha nova convocatoria de folga.

As protestas repetiranse pois os traballadores/as sufriron unha situación idéntica o mes pasado cando aínda non percibiran a paga extraordinaria de xullo nin a mensualidade de agosto.

As protestas do persoal dos xeriátricos privados trasladaranse a Vilanova de Arousa e Vigo

P1550889_grande.jpg
14/10/09.
Avanza o calendario de protestas dos traballadores e traballadoras das residencias privadas da Terceira Idade en demanda dun convenio digno. O 21 de outubro concentraranse diante da Residencia Valle Inclán de Vilanova de Arousa e, o 4 de novembro, fronte ao xeriátrico Sanitas (Rúa do Conde, 6) de Vigo. Ambas protestas, convocadas por CIG-Servizos e CC.OO, desenvolveranse ás 11:00 horas.

Unhas 200 persoas concéntranse diante dun xeriátrico Mapfre para reclamar un convenio digno no sector

01/10/09.
Traballadores das residencias privadas da Terceira Idade e delegados e delegadas da CIG e de CCOO iniciaron na mañá do 1 de outubro en Compostela as mobilizacións a prol dun convenio digno e con dereitos para un sector que ocupa máis de 5.000 persoas no noso país.

O persoal, maioritariamente feminino e cuns salarios que se aproximan aos 800 euros, acordou iniciar protestas logo da ruptura da mesa de negociacións, o pasado 17 de setembro, ante a postura intransixente da patronal e as pretensións de recortar os dereitos dos traballadores/as.

Reabre a cafetaría do persoal do CHUAC logo de tres semanas de protestas

Chocolatada no CHUAC 1
30/9/09.
A cafetaría do persoal do Complexo Hospitalario Universitario da Coruña (CHUAC) vén de retomar a súa actividade logo de permanecer tres semanas pechada por un conflito entre a concesionaria, Serunión, e a xerencia do hospital herculino.

Tras máis de catro horas de xuntanza, a xerencia do CHUAC e Serunión chegaron a un entendemento o 28 de setembro. O acordo atinxido contempla que a concesión do servizo se prorrogará durante un ano, período durante o que a dirección do hospital convocará un novo concurso.

Benestar debe implicarse no conflito dos xeriátricos pois o 80% das prazas son concertadas

20090929_rp_residencias.jpg
30/9/09.
CIG-Servizos e CC.OO solicitaranlle unha entrevista á conselleira de Traballo e Benestar co obxectivo de que este departamento autonómico interveña no conflito derivado da ruptura da negociación do convenio de Residencias Privadas da Terceira Idade.

O 80% das prazas ofertadas son concertadas. Ademais, a Xunta participa na empresa de capital mixto SOGASERSO, rede de servizos sociais na que están integrados numerosos xeriátricos.

Distribuir contido