Ourense

Pecha o complexo deportivo Bamio e deixa na rúa 10 persoas às que se adebeda seis meses de salario

01/7/14.
O complexo deportivo Bamio de Ourense pechou definitivamente as súas portas onte luns ás 11.00 horas, deixando na rúa aos 10 traballadores/as que compoñen o actual cadro de persoal e aos que se lles adebedan até seis meses de salarios.

A Diocese de Ourense despide a un traballador inmigrante por denunciar explotación laboral

05/2/14.
O secretario comarcal da CIG e o responsábel da federación de Servizos de Ourense compareceron hoxe en rolda de prensa para denunciar que a Diocese de Ourense, dependente do Bispado da cidade, despediu a un traballador inmigrante tras as súas denuncias de explotación laboral. A rescisión do contrato produciuse tres días despois de que a central nacionalista lle comunicase á Inspección de Traballo que o empregado realizaba xornadas de 80 horas semanais.

A CIG denuncia atrasos continuados no cobro de salarios na limpeza dos colexios públicos de Ourense

CIG-Servizos recláma aos responsábeis municipais que esixan á adxudicataria Linorsa o cumprimento das condicións do contrato
10/12/13.
A federación de Servizos da CIG vén de denunciar publicamente que os empregados/as da limpeza dos colexios públicos de Ourense están a sufrir atrasos continuados no cobro de salarios e reclámalle aos responsábeis municipais que lle esixan a Limpiezas del Noroeste (Linorsa), adxudicataria do servizo, o cumprimento das condicións do contrato.

Traballadores/as da recollida do lixo de Ourense se mobilizarán se non lles ingresan a extra antes do día 20

Denuncian que Ecourense-UTE comunicoulle ao comité que non abonará a paga do verán e o salario de xullo
16/7/13.
O comité de Ecourense-UTE, empresa que se encarga da recollida do lixo na cidade, acordou por unanimidade convocar mobilizacións no caso de que a compañía non abone a extra do verán antes do vindeiro día 20. Os representantes dos traballadores/as denuncian que a dirección xa comunicou que non ingresará a paga nin o salario do mes de xullo.

Nova protesta en Amencer Reciclado de Ourense para esixir os salarios e indemnizacións pendentes

A presión dos afectados/as e dos comuneiros/as evitou que a Xunta lle cedese ao grupo empresarial o antigo psiquiátrico de Toén
04/6/13.
Traballadores/as de Amencer Reciclado de Ourense -empresa do grupo Aspanas que emprega a persoas con discapacidade física e intelectual- volveron mobilizarse hoxe, nesta ocasión diante do despacho do administrador único, para esixir o pago dos salarios pendentes e reclamar que o concurso de acredores da compañía sexa declarado culpábel. A presión dos afectados/as e a sensibilidade dos comuneiros/as evitou que a Xunta lle cedese á compañía o antigo hospital psiquiátrico de Toén.

Traballadores/as de Amencer Reciclado realizan unha toma simbólica do antigo Hospital de Toén

Denuncian que a Xunta ceda gratuítamente os terreos ao grupo empresarial, cando ten pendentes os salarios dende outubro
31/5/13.
Traballadoras e traballadoras de Amencer Reciclado fixeron na mañá deste venres unha toma simbólica do antigo Hospital de Toén para denunciar que continúan sen cobrar os salarios atrasados e as indemnizacións e en rexeitamento da decisión da Xunta de ceder as instalacións de forma gratuíta durante os próximos 50 anos ao grupo empresarial Aspanas –propietario de Amencer Reciclado-, logo de ter despedido a todo o persoal.

O Xulgado do Social declara improcedente o despido dun membro da CIG na Fundación Valdegodos

A sentenza chega tras outras decisións xudicias que recoñeceron as horas extra ou a antigüidade dos empregados/as
24/1/13.
O Xulgado do Social número 3 de Ourense vén de declarar improcedente o despedimento dun membro da sección sindical da CIG da Fundación Valdegodos do Barco de Valdeorras. A sentenza, contra a que cabe recurso no TSXG, chega tras outras decisións xudiciais que obrigaron á empresa a abonar as horas extra e recoñecer a antigüidade do persoal. Dende a central nacionalista denuncian que a dirección da compañía pretende que todos os afiliados/as da CIG abandonen a empresa e anuncian que estudan presentar unha demanda por persecución sindical.

Novas accións de protesta en establecementos de alimentación e téxtil polo bloqueo dos convenios

Traballadores/as do sector e delegados/as da CIG volveron colapsar varias tendas para denunciar a actitude da patronal
21/12/12.
Delegados/as sindicais e traballadores/as do comercio de alimentación da CIG de Pontevedra desenvolveron hoxe novas accións de protesta para reclamar o desbloqueo das negociacións do convenio colectivo. A mobilización, que ao igual que as levadas a cabo anteriormente en tendas de roupa noutros puntos do país consistiu en coller dos estantes gran cantidade de produtos para unha vez na caixa devolvelos, colapsou durante máis dunha hora un supermercado do centro da cidade. No caso de Ourense a protesta desenvolveuse o xoves nunha tenda de roupa do centro comercial Pontevella.

A intransixencia da patronal rompe as negociacións do convenio colectivo de Comercio Téxtil de Ourense

Denuncian que os empresarios rexeitan pactar a plataforma conxunta proposta por CIG, CCOO e UGT e pretenden recortar dereitos
26/10/12.
A negociación do convenio colectivo de Comercio de Téxtil da provincia de Ourense quedou rota na reunión da mesa negociadora celebrada o pasado 23 de outubro, segundo denuncian as organizacións sindicais. A patronal do sector foi intransixente á hora de negociar a plataforma conxunta presentada polas centrais CIG, CCOO e UGT e, pola contra, “pretende eliminar unha paga extraordinaria, eliminar o dereito a cobrar o 100% en caso de baixa por enfermidade común, conxelar a antigüidade e conxelar o salario”.

CIG-Servizos intensifica a campaña de denuncia do despedimento nun Lidl ourensán

lidl_ourense.jpg
05/12/11.
A Federación de Servizos da CIG anima a afiliación a lle remitir escritos de protesta a Lidl polo seu comportamento desprezábel por despedir unha traballadora a que acusa de substraer unhas papas de cereal para alimentar a súa filla. O sindicato xa manifestou en máis dunha ocasión que esta decisión empresarial é desproporcionada, indecente, obscena e inmoral.

Distribuir contido