parques comarcais

Celta Prix incumpre o prego de condicións da xestión dos parques comarcais de bombeiros de Pontevedra

bombeiros_celta_prix.jpg
08/10/11.
Celta Prix, empresa encargada da xestión dos parques comarcais de bombeiros da provincia de Pontevedra, incumpre o prego de condicións ao ter catro empregados/as menos dos que figuran nas bases do concurso público. Ao mesmo tempo, a central nacionalista denunciará na Inspección de Traballo as deficiencias detectadas nos equipos de protección individual.

Centos de bombeiros reclaman en Lugo a xestión pública dos parques comarcais

20100520_bombeiros_lugo
21/5/10.
Medio cento de bombeiros e demais persoal de emerxencias deuse cita en Lugo o 20 de maio na manifestación en defensa da xestión pública deste servizo. Ao remate da marcha representantes sindicais entrevistáronse co presidente da Deputación, a quen instaron a manter o compromiso adquirido pola entidade que dirixe de que o futuro consorcio provincial sexa explotado directamente polas administracións públicas.

Os sindicatos fretan buses para asistir á manifestación do 20 de maio en Lugo

20100129_mani_bombeiros_03
13/5/10.
A CIG, CC.OO e UGT fretarán cinco buses para asistir a manifestación do día 20 en Lugo en defensa da xestión pública dos servizos de emerxencias. Dous autocares partirán de Vigo, un desde Vilagarcía e o resto da Coruña e Carballo. A marcha comezará na cidade amurallada ás 11:30 horas diante do parque de Frigsa (na avenida da Coruña) e ten previsto concluír fronte á sede da Deputación provincial.

Persoal de emerxencias manifestarase o 20 de maio en Lugo

20100129_mani_bombeiros_10
04/5/10.
A CIG, UGT e CC.OO convocaron unha manifestación para o 20 de maio en Lugo en defensa da xestión pública dos servizos de emerxencias. As mobilizacións proseguirán nos vindeiros meses cunha peregrinación a Compostela, entre outras accións. Bombeiros de diferentes parques comarcais trasladáronse o 4 de maio a Lugo para doar sangue, xesto solidario co que quixeron denunciar a precariedade que padecen.

A brutalidade policial cébase cos bombeiros galegos

Carga contra bombeiros
29/1/10.
Diversas fontes falan dun total de cinco manifestantes feridos e de que dous deles tiveron que ser trasladados a centros hospitalarios. Este foi o balance de persoas damnificadas por mor da brutalidade policial desatada ao termo da manifestación de bombeiros celebrada na Coruña o 29 de xaneiro, que contou cun milleiro de asistentes. Os antidisturbios cargaron instantes despois de que a marcha chegase á Deputación provincial.

Os bombeiros de Galiza retoman a loita contra a privatización

20/1/10.
Asembleas ao longo e ancho do país e unha manifestación na Coruña prevista para o 29 de xaneiro que rematará na Deputación provincial son unha mostra dos actos programados para a nova etapa de mobilizacións dos bombeiros dos parques comarcais. Estes traballadores expresarán desta forma a súa desconformidade coa precariedade existente nas emerxencias, que son un servizo esencial para a comunidade e cuxa xestión está en mans de empresas privadas.

Os partidos políticos consenten que a xestión das emerxencias siga sendo privada

Mani bombeiros 08 (20091030)
12/12/09.
Ningún dos tres partidos maioritarios foi capaz de atinxir un compromiso cos traballadores de emerxencias para que a xestión deste servizo sexa pública. Como resposta a esta indiferenza, os sindicatos xa están a planificar unha manifestación en xaneiro diante da Deputación da Coruña, unha das institucións que delega en empresas privadas a explotación dos parques de bombeiros.

Bombeiros do Morrazo péchanse na Deputación para reclamar a fin das represalias da concesionaria

Peche na Deputación dos Bombeiros do Morrazo 3
10/11/09.
Bombeiros do Parque Comarcal do Morrazo continúan coas protestas para rexeitar a actitude despótica da concesionaria, Celta Prix, que despediu un traballador e sancionou dous máis. Os profesionais de Emerxencias permaneceron durante seis horas pechados na Deputación de Pontevedra o 9 de novembro como medida de presión para que a institución provincial medie no conflito. Os traballadores foron desaloxados pola policía española.

Compostela converteuse nun clamor a prol da xestión pública das emerxencias

Mani bombeiros 03 (20091030)
31/10/09.
Máis dun milleiro de bombeiros chegados desde diferentes comarcas do país participaron na manifestación a favor da xestión pública dos servizos de emerxencias que percorreu as rúas compostelás o 30 de outubro. A marcha, que se desenvolveu nun ambiente bulicioso e fortemente reivindicativo, partiu do Parlamento autonómico e concluíu en San Caetano.

Agudízase a represión no Parque Comarcal de Bombeiros do Morrazo

29/10/09.
Celta Prix, á parte de faltar ao seu compromiso de se reunir coa CIG-Servizos e a Deputación para buscar unha solución dialogada ao despedimento dun bombeiro, aumentou a represión sobre o persoal do Parque Comarcal do Morrazo. A concesionaria sancionou cunha falta moi grave o delegado de persoal e cunha suspensión de emprego e soldo durante once días o irmán do despedido.

Distribuir contido