residencias privadas da terceira idade

Declaran improcedente o despedimento do operario de Geriatros que pedira unha adecuación de posto

Concentración Geriatros en Chantada 21-02-2011 4
28/5/11.
O Xulgado do Social nº 2 de Lugo declarou improcedente o despedimento do traballador da residencia Geriatros de Chantada que pedira a adecuación do posto por mor dunha diminución de capacidade. A empresa ten a opción de readmitir o operario ou de indemnizalo con 51.047´92 euros. O fallo tamén obriga o xeriátrico a aboar os salarios de tramitación, aqueles que deixou de percibir o traballador desde o día do despedimento.

Geriatros despide un traballador que pedira a adecuación do posto por diminución de capacidade

Concentración Geriatros en Chantada 21-02-2011
21/2/11.
A residencia Geriatros de Chantada despediu un traballador que solicitara a adecuación do seu posto debido a uns problemas de saúde. O xeriátrico aduce causas obxectivas para lle rescindir o contrato amparándose nun informe da mutua Fraternidad-Muprespa que non o considera apto para o traballo. Porén, CIG-Servizos de Lugo mantén que o INSS rexeitou unha solicitude de invalidez ao empregado porque entende que si reúne as condicións necesarias para traballar.

Aprazado o xuízo contra Geriatros polo despedimento dunha delegada do comité

PICT0006.JPG
16/6/10.
O xuízo contra Geriatros polo despedimento dunha delegada do comité previsto para o 16 de xuño en Ferrol ficou aprazado até o 2 de xullo pois os representantes da compañía non entregaron a tempo a documentación que lle reclaman os avogados da CIG. Ás portas dos xulgados ferroláns desenvolveuse unha concentración solidaria con esta compañeira despedida en marzo pasado no xeriátrico de Laraxe (Cabanas).

As mobilizacións das residencias regresan a Vilanova de Arousa

20100511_residencia_vilanova_arousa.jpg
12/5/10.
Traballadores e delegados das residencias privadas da terceira idade proseguen coas mobilizacións a prol da consecución dun convenio xusto e contra a represión sindical exercida nos últimos tempos, que xa se saldou con dous delegados despedidos en Cabanas e en Vilanova de Arousa. Nesta vila celebrouse unha concentración o 11 de maio diante do xeriátrico Valle Inclán, a segunda que se realiza neste centro nos últimos seis meses.

Empregados protestan ante a sede viguesa de Geriatros contra o despedimento de dous delegados

20100504_geriatros_vigo.jpg
05/5/10.
Traballadores e delegados das residencias privadas da terceira idade desenvolveron un acto de protesta en Vigo, o 4 de maio, diante da sede da empresa Geriatros en demanda da readmisión de dous delegados despedidos nas residencias de Laraxe (Cabanas) e Vilanova e contra o bloqueo da negociación do convenio colectivo.

CIG-Servizos presentará conflito colectivo nas residencias privadas

concentracion_xeriatrico_chantada_convenio.jpg
21/4/10.
CIG-Servizos e CC.OO presentarán un conflito colectivo para desatascar a negociación do convenio autonómico de residencias privadas da terceira idade. A patronal segue mantendo unha postura inflexíbel e teima en eliminar do texto galego a cláusula de equiparación coas condicións máis beneficiosas do estatal. Ambas centrais adiantaron que as mobilizacións proseguirán. Pola súa banda, UGT continúa coa súa actitude autista e cómplice cos empresarios.

CIG-Servizos aposta por dinamizar as negociacións do convenio de xeriátricos

Concentración nun xeriátrico de Chantada
29/3/10.
CIG-Servizos e CC.OO manifestaron a súa disposición a dinamizar a negociación do convenio de xeriátricos co estabelecemento dun calendario de reunións semanais até a segunda quincena de maio. As mobilizacións impulsadas por ambos sindicatos contribuíron a que a patronal incrementase a súa oferta salarial na última xuntanza da comisión negociadora, o 29 de marzo. Os empresarios pasaron de defender unha suba do 0´3% a propor agora aumentos de entre o 3 e 5%.

Convocada folga na residencia Geriatros de Cabanas contra o despedimento dunha delegada do comité

Geriatros_laraxe.jpg
19/3/10.
CIG-Servizos convocou folga na residencia da terceira idade Geriatros de Laraxe (Cabanas) para os días 8, 15 e 22 de abril como medida de protesta contra o despedimento dunha delegada do comité. Esta represalia é unha advertencia ao persoal do resto de xeriátricos da empresa para que non reclame melloras como as conseguidas no centro de Laraxe. Porén estes intentos serán inútiles.

Os empresarios dos xeriátricos desbotan a nova plataforma da CIG-Servizos e CC.OO

24/2/10.
A patronal das residencias privadas da terceira idade rexeitou a plataforma de convenio que presentaran hai un mes CIG-Servizos e CC.OO, pese a que rebaixaba as pretensións económicas da parte social. Ambos sindicatos anunciaron que, de non haber acordo na reunión da comisión paritaria, solicitarán unha arbitraxe. Os empresarios, pola súa banda, aseguran que non aceptarán subas que superen o 1%.

CIG-Servizos e CC.OO reformulan a plataforma de convenio de xeriátricos

xeriatricos_manifa.ok_.JPG
15/1/10.
CIG-Servizos e CC.OO, en cumprimento do acordado en asemblea de traballadores, remitiron aos empresarios e a UGT unha plataforma de convenio de xeriátricos que contén algunhas modificacións con respecto ao texto inicial presentado en abril de 2009 polo conxunto da parte social. Á espera de que os sindicatos sexan convocados a un novo AGA, as mobilizacións proseguirán o 19 de xaneiro en Ferrol diante da residencia Geriatros, a partir das 11:00 horas.

Distribuir contido