residencias privadas da terceira idade

Traballadores dos xeriátricos espallan cueiros usados diante da Delegación de Benestar na Coruña

20091217_xeriatricos_corunha_01.JPG
17/12/09.
O persoal das residencias privadas da terceira idade retomou o 17 de decembro na Coruña o calendario de mobilizacións con concentracións diante do xeriátrico Concepción Arenal, xerido por Mapfre-Quavitae, e da Delegación Territorial da Consellaría de Traballo e Benestar, en cuxas portas algúns manifestantes espallaron cueiros usados en sinal de rexeitamento pola inhibición deste departamento autonómico.

Lugo albergou unha nova concentración do conflito dos xeriátricos

20091125_xeriatricos_lugo.jpg
26/11/09.
A residencia Mapfre en Castro Ribeiras de Lea (Lugo) foi un novo escenario onde se desenvolveu, o 25 de novembro, unha concentración de protesta dos traballadores/as dos xeriátricos dentro da campaña de mobilizacións para reclamar un convenio digno.

O persoal dos xeriátricos estabelece un novo calendario de mobilizacións

xeriatricos_vigo_manifa.jpg
10/11/09.
Os traballadores e traballadoras das Residencias Privadas da Terceira Idade estabeleceron un novo calendario de protestas para demandar un convenio digno para este sector, que emprega 5.000 persoas na Galiza. Lugo, Chantada, Narón e A Coruña han ser os próximos destinos das mobilizacións.

Unha marcha polo centro de Vigo visualiza o conflito dos xeriátricos

20091104_xeriatricos_vigo.jpg
05/11/09.
Por volta dun centenar de traballadores tomou parte nunha concentración e posterior marcha polas rúas de Vigo para demandar un convenio digno e con dereitos para o sector dos xeriátricos privados. Os manifestantes comezaron a xornada congregándose no exterior da residencia Sanitas, na rúa do Conde da cidade olívica.

UGT solicita un AGA unilateralmente no conflito das Residencias Privadas da Terceira Idade

20091001_residencias_compos.jpg
30/10/09.
Mentres CIG-Servizos e CC.OO seguen adiante co calendario de mobilizacións a prol dun convenio digno para o persoal das Residencias Privadas da Terceira Idade, UGT, que se desvinculou das protestas, solicitou unilateralmente un AGA (Acordo interprofesional galego sobre procedementos extraxudiciais de solución de conflitos de traballo).

As protestas dos traballadores dos xeriátricos ouvíronse en Vilanova de Arousa

IMG_9906_grande.jpg
21/10/09.
Case un cento de traballadores e traballadoras do sector de Residencias Privadas da Terceira Idade participou na concentración de protesta diante do xeriátrico “Valle Inclán” en Vilanova de Arousa, acto enmarcado dentro do calendario de mobilizacións en demanda dun convenio digno para este colectivo.

A patronal, da que as organizacións sindicais continúan sen ter novas,  pretende aproveitar a negociación do convenio para introducir recortes nos dereitos dos traballadores e traballadoras e a frear calquera tipo de mellora nas condicións laborais.

As protestas do persoal dos xeriátricos privados trasladaranse a Vilanova de Arousa e Vigo

P1550889_grande.jpg
14/10/09.
Avanza o calendario de protestas dos traballadores e traballadoras das residencias privadas da Terceira Idade en demanda dun convenio digno. O 21 de outubro concentraranse diante da Residencia Valle Inclán de Vilanova de Arousa e, o 4 de novembro, fronte ao xeriátrico Sanitas (Rúa do Conde, 6) de Vigo. Ambas protestas, convocadas por CIG-Servizos e CC.OO, desenvolveranse ás 11:00 horas.

Unhas 200 persoas concéntranse diante dun xeriátrico Mapfre para reclamar un convenio digno no sector

01/10/09.
Traballadores das residencias privadas da Terceira Idade e delegados e delegadas da CIG e de CCOO iniciaron na mañá do 1 de outubro en Compostela as mobilizacións a prol dun convenio digno e con dereitos para un sector que ocupa máis de 5.000 persoas no noso país.

O persoal, maioritariamente feminino e cuns salarios que se aproximan aos 800 euros, acordou iniciar protestas logo da ruptura da mesa de negociacións, o pasado 17 de setembro, ante a postura intransixente da patronal e as pretensións de recortar os dereitos dos traballadores/as.

Benestar debe implicarse no conflito dos xeriátricos pois o 80% das prazas son concertadas

20090929_rp_residencias.jpg
30/9/09.
CIG-Servizos e CC.OO solicitaranlle unha entrevista á conselleira de Traballo e Benestar co obxectivo de que este departamento autonómico interveña no conflito derivado da ruptura da negociación do convenio de Residencias Privadas da Terceira Idade.

O 80% das prazas ofertadas son concertadas. Ademais, a Xunta participa na empresa de capital mixto SOGASERSO, rede de servizos sociais na que están integrados numerosos xeriátricos.

O persoal dos xeriátricos privados mobilizarase contra a perda de dereitos

20080501_mobilizacion.jpg
24/9/09.
Traballadoras e traballadores das Residencias Privadas da Terceira Idade mobilizaranse contra a perda de dereitos que pretende impor a patronal na negociación colectiva. As medidas de presión, apoiadas pola CIG-Servizos e CC.OO, comezarán o 1 de outubro na residencia “Mapfre-Quavitae” (San Lázaro-Compostela), ás 11:30 horas, coincidindo coa festa-aniversario deste xeriátrico.

Distribuir contido