seguridade privada

Traballadores/as de seguridade privada inician a marcha desde o Cebreiro a Compostela entre a neve

Contra os EREs no sector, a pretensión de descolgues de convenio da patronal e as rebaixas das condicións salariais e laborais
21/1/13.
Traballadores e traballadoras de seguridade privada iniciaron este luns a marcha a pé reivindicativa pola dignidade laboral no sector. Malia a dura xornada as/os camiñantes avanzaron pola neve até Triacastela e este martes, día 22 de xaneiro teñen previsto realizar a etapa Triacastela-Sarria. Con esta marcha pola dignidade pretenden denunciar a intención das grandes empresas de seguridade de rebaixar as condicións salariais e sociais, incrementar a xornada anual, conxelacións de antigüidade e perda das pagas extra.

Traballadores/as da seguridade privada inician o luns 21 unha marcha a pé dende o Cebreiro a Compostela

En rexeitamento aos EREs no sector e a pretensión de descolgarse do convenio e impor acordos de empresa rebaixando condicións
18/1/13.
O vindeiro luns 21 de xaneiro, un grupo de traballadores e traballadoras da seguridade privada iniciará unha marcha a pé reivindicativa pola dignidade laboral do sector, que se iniciará na aldea do Cebreiro ás 9:00 horas e rematará o sábado 26 en Santiago de Compostela. A previsión é que a chegada á Praza do Obradoiro sexa contra as 17:30 horas, onde farán unha “chourizada” popular sen pan, porque, tal e como denuncia a CIG-Servizos “non hai pan para tanto chourizo”. Desde a federación convidan á veciñanza de Compostela e, nomeadamente, ao seu alcalde a participar neste evento reivindicativo.

Persoal de seguridade privada mobilízase contra o descolgue do convenio e a rebaixa das condicións

Un grupo de traballadores/as impediron cunha barricada a saída dos furgóns blindados da nave de Prosegur na Coruña
11/1/13.
Os traballadores e traballadoras da seguridade privada veñen de iniciar un calendario de mobilizacións en defensa do emprego e dunhas condicións laborais e salariais dignas fronte as pretensións da patronal de descolgarse do convenio colectivo e impor acordos de empresa á baixa, precarizando deste xeito aínda máis as retribucións económicas dos traballadores/as e as súas condicións de traballo.

Consúmase a traizón e o sindicalismo español asina a modificación do convenio de seguridade privada

20101214_mani_seguridade_vigo
18/4/12.
O sindicalismo español asinou, o 16 de abril, a modificación do convenio estatal de empresas de seguridade, o que suporá a ampliación da súa vixencia dous anos máis e a supresión do incremento salarial que se pactara para este ano. CIG-Servizos convoca os seus delegados a unha asemblea, que se desenvolverá no local de Compostela, o 26 de abril, ás 16:30 horas.

Comunicado perante a capitulación do sindicalismo español na seguridade

seguridade_privada_pratarias_compostela.JPG
28/3/12.
O sector da seguridade privada da CIG-Servizos emitiu un comunicado de oposición frontal ao acordo atinxido entre a patronal e o sindicalismo español, que deixa sen efecto os incrementos salariais contemplados no convenio e que amplía a súa vixencia dous anos máis. A central nacionalista segue a reclamar con insistencia un convenio galego para o sector.

Empresarios da seguridade e sindicatos españois deixan sen efecto a suba de 2012

mani_seguridade_privada_b
26/3/12.
A maioría das asociacións empresariais da seguridade privada e as centrais UGT, USO e CC.OO pactaron ampliar a vixencia do convenio sectorial dous anos máis, até o 31 de decembro de 2014. Patróns e sindicatos españois tamén conviñeron deixar sen efecto para 2012 o incremento salarial previsto no artigo 73 do texto, que estabelecía unha suba do 4´4%. CIG-Servizos foi o único sindicato que non subscribiu este acordo.

As centrais recórdanlle á patronal da seguridade que o prioritario é revisar os salarios

20101214_mani_seguridade_vigo
11/1/12.
Os catro sindicatos más representativos da seguridade privada no Estado (UGT, CC.OO, USO e CIG-Servizos) explicáronlles aos empresarios que nestes momentos o prioritario é dar cumprimento ao artigo 73 e aplicar a revisión salarial do ano 2012. As centrais só estarían dispostas a estudar a ampliación do convenio até 2014 unha vez que se reúna a comisión paritaria e se asinen as táboas. A patronal insiste en manifestar que o incremento salarial pactado en convenio ocasionaría “importantes consecuencias” no emprego do sector da seguridade privada.

ESABE rebaixa as gratificacións extraordinarias ao persoal

ESABE
04/1/12.
A empresa de seguridade privada ESABE Vigilancia rebaixou a contía das gratificacións extraordinarias ao excluír do seu cálculo os pluses de vestiario e transporte. A compañía ampárase no artigo 71 do convenio sectorial e alega que estivo pagando erroneamente estes conceptos. ESABE, non obstante, non é tan dilixente á hora de solucionar os problemas xerados nos cobramentos das nóminas, das pagas, das liquidacións ou no tocante á uniformidade ou aos exercicios de tiro. Mentres, os empregados da provincia de Pontevedra xa convocaron mobilizacións.

A patronal da seguridade privada non quere aplicar a suba salarial de 2012

P1490044_grande.jpg
29/12/11.
A patronal da seguridade privada quere diferir durante tres anos o incremento salarial acordado no convenio para 2012 (IPC real de 2011 máis o 2%), o que implicaría a ampliación da súa vixencia dous anos máis, até o 31 de decembro de 2014. Esta proposta fixéronllela os empresarios aos sindicatos nunha xuntanza celebrada en Madrid o 29 de decembro. CIG-Servizos anunciou a convocatoria dunha asemblea nacional de delegados do sector, que se realizará no local de Compostela o 12 de xaneiro, ás 17:00 horas.

Un mando da Guardia Civil acosa un delegado por motivos ideolóxicos

20111107_picolo_acosa_afiliado
07/11/11.
O sarxento da Guardia Civil do Aeroporto de Lavacolla está acosando un delegado da CIG-Servizos, vixilante de seguridade privada, por cuestións ideolóxicas, políticas e sindicais. Ademais, este mando do corpo militar español impídelle ao traballador o acceso á zona restrinxida do aeródromo, circunstancia que o obriga a prestar os seus servizos no aparcadoiro e nos exteriores. O sindicato organizou o 7 de novembro unha concentración nas propias instalacións aeroportuarias para esixir o cesamento do acoso ao traballador e o respecto aos seus dereitos fundamentais.

Distribuir contido