sentenza

O TSXG sentenza que VINSA, UGT e USO vulneraron a liberdade sindical da CIG

Utilizaron unha comisión de seguimento para crear un “comité de empresa paralelo" e excluír así á CIG
24/3/15.
O TSXG sentenza que VINSA, UGT e USO vulneraron a liberdade sindical da CIG ao excluíla da Comisión de Seguimento creada para vixiar o cumprimento da modificación substancial de condicións de traballo asinada pola empresa e eses sindicatos. Paulo Rubido, secretario nacional da CIG-Servizos, salienta que “non é a primeira vez que no sector da seguridade privada se emite unha sentenza deste tipo, pero si o é na que se acredita que se produce unha situación de vulneración de liberdade sindical por parte de dous sindicatos estatais”.

Xulgado anula a sanción grave imposta polo Casino Ferrolano Tenis Club ao delegado da CIG

A sentenza, firme, recoñece que a decisión empresarial vulnera os dereitos fundamentais do representante do persoal
25/9/14.
O xulgado do social de Ferrol vén de condenar ao Casino Ferrolano Tenis-Club a anular a sanción grave imposta ao delegado sindical da CIG, ao entender que vulnera os seus dereitos fundamentais. Confirmando, deste xeito, as denuncias da CIG a respecto da persecución que a dirección da entidade está a practicar contra este representante dos traballadores e traballadoras.

O Xulgado desestima a demanda do traballador da Diocese de Ourense despedido tras denunciar explotación laboral

 A CIG recorrerá a decisión xudicial ao entender que subordina a liberdade de expresión á defensa do credo relixioso católico
09/4/14.
O Xulgado vén de desestimar a demanda presentada pola CIG contra o despedimento dun traballador da Diocese de Ourense que denunciara explotación laboral ante a Inspección de Traballo. A central nacionalista xa anunciou que recorrerá a decisión xudicial ao entender que subordina a liberdade de expresión do empregado á defensa do credo relixioso católico.

O xulgado obriga a repetir as eleccións sindicais en Leroy Merlin por impediren participar á CIG no proceso

Un dos candidatos da lista presentada pola CIG dimitiu, malia a candidatura manter o mínimo requirido, tras da súa proclamación
31/7/13.
O xulgado do Social número 3 de Compostela vén de estimar a impugnación da CIG ditaminando que a súa candidatura para as elección sindicais en Leroy Merlín debe ser considerada válida. A sentenza obriga a retrotraer o proceso ao momento da proclamación defitiniva de candidaturas “entre as que debe figurar a CIG”.

Esixen dimisión do alcalde e dun edil de Vigo tras sentenza de readmisión de empregados/as do IMD

Denuncian que os cidadáns deberán pagar cos seus impostos uns 200.000 euros “pola incompetencia do Goberno local”
27/3/13.
A secretaria comarcal da federación de Servizos da CIG de Vigo, Transi Fernández, compareceu hoxe en rolda de prensa para reclamar a dimisión do alcalde e do concelleiro de Deportes tras a sentenza que declara nulo o despedimento de 11 traballadores/as do Instituto Municipal de Deportes (IDM). Dende a central nacionalista denuncian que agora os cidadáns deberán pagar cos seus impostos uns 200.000 euros “pola incompetencia do Goberno local”.

Condenan Inditex por contratar esquirois para substituír o persoal que participou na folga xeral de 2011

20120323_rolda_de_prensa_inditex.jpg
23/3/12.
O Xulgado do Social número 2 da Coruña condenou Inditex por comportamento antisindical pois vulnerou os dereitos fundamentais do persoal que secundou a folga do 27 de xaneiro de 2011 na tenda Stradivarius de Catro Camiños. A empresa contratou traballadoras a través dunha ETT para substituír as empregadas que apoiaron o paro.

Absolven Adolfo Naya dos cargos imputados por participar na folga de deportes

Adolfo Naya Fernández, secretario de Organización da CIG-Servizos
08/2/12.
O Xulgado do Penal número 5 da Coruña absolveu Adolfo Naya, secretario federal de Organización, dos cargos que pesaban contra el por un lance ocorrido en 2010 nunha piscina de Cambre, no transcurso da folga das instalacións deportivas. A Fiscalía acusábao dun delito contra o dereito dos traballadores e dunha falta de danos. Polo primeiro, o Ministerio Público solicitaba catro anos de prisión e unha multa de 3.780 euros; pola falta, 12 días de localización permanente e unha indemnización de 95 euros.

A Xustiza anula os servizos mínimos dos paros parciais na limpeza do Hospital de Cee

20120120_limpeza_hospital_de_cee.jpg
02/2/12.
O xulgado do Contencioso-administrativo número 1 da Coruña anulou o decreto ditado pola Consellaría de Sanidade sobre os servizos mínimos nos paros parciais convocados en novembro na limpeza do Hospital de Cee. Este órgano xudicial considera que a medida adoptada pola Xunta é contraria ao exercicio do dereito fundamental á folga.

Condenan Mercadona por vulnerar a liberdade sindical

20080718_isidro_de_la_cal_02.jpg
20/12/11.
O xulgado do Social número 3 da Coruña emitiu unha sentenza que condena Mercadona por vulnerar a liberdade sindical dunha afiliada á CIG-Servizos e ordena o cesamento inmediato do seu comportamento contrario a este dereito fundamental. A empresa terá que lle aboar á traballadora os 3.175 euros en concepto dunha prima que lle negou inxustificadamente.

O Supremo abre a porta a que o persoal de SEAGA pase a formar parte do PLADIGA

Asemblea e manifestación de SEAGA 8
14/12/11.
Varias sentenzas do Tribunal Supremo recoñecen que a contratación en SEAGA é fraudulenta por apostar pola modalidade de obra e servizo no canto de que os traballadores sexan fixos-descontinuos. Ademais, o Alto Tribunal español ofrece a posibilidade de que os 2.000 empregados de SEAGA reclamen por cesión ilegal para pasar a formar parte do PLADIGA (Plan de Prevención e Defensa contra os Incendios Forestais de Galicia), que está conformado por persoal laboral da Xunta.

Distribuir contido