sentenza

A Xustiza anula os servizos mínimos dos paros parciais na limpeza do Hospital de Cee

02/2/12.

O xulgado do Contencioso-administrativo número 1 da Coruña anulou o decreto ditado pola Consellaría de Sanidade sobre os servizos mínimos nos paros parciais convocados en novembro na limpeza do Hospital de Cee. Este órgano xudicial considera que a medida adoptada pola Xunta é contraria ao exercicio do dereito fundamental á folga.

Condenan Mercadona por vulnerar a liberdade sindical

20/12/11.

O xulgado do Social número 3 da Coruña emitiu unha sentenza que condena Mercadona por vulnerar a liberdade sindical dunha afiliada á CIG-Servizos e ordena o cesamento inmediato do seu comportamento contrario a este dereito fundamental. A empresa terá que lle aboar á traballadora os 3.175 euros en concepto dunha prima que lle negou inxustificadamente.

O Supremo abre a porta a que o persoal de SEAGA pase a formar parte do PLADIGA

14/12/11.

Varias sentenzas do Tribunal Supremo recoñecen que a contratación en SEAGA é fraudulenta por apostar pola modalidade de obra e servizo no canto de que os traballadores sexan fixos-descontinuos. Ademais, o Alto Tribunal español ofrece a posibilidade de que os 2.000 empregados de SEAGA reclamen por cesión ilegal para pasar a formar parte do PLADIGA (Plan de Prevención e Defensa contra os Incendios Forestais de Galicia), que está conformado por persoal laboral da Xunta.

O TSXG estima o conflito colectivo presentado nas instalacións deportivas

30/11/11.

A Sala do Social do Tribunal Superior de Xustiza de Galiza estimou a demanda de conflito colectivo que presentara a CIG-Servizos sobre a interpretación e aplicación de varios preceptos do convenio galego de instalacións deportivas relacionados coa xornada, descansos e a percepción do complemento de transporte. Este pronunciamento xudicial coincide coas pretensións contidas na demanda do sindicato.

A Xustiza revoga unha sanción a un delegado de Leroy Merlin en Compostela

21/11/11.

O Xulgado do Social número 3 de Santiago de Compostela anulou unha sanción a un membro do comité e delegado da CIG en Leroy Merlin. A empresa castigara o operario cunha suspensión de emprego e soldo durante catro días por unha falta de puntualidade. Sen embargo, o presente fallo reproba a empresa por non ter tramitado correctamente o expediente disciplinario e condénaa a lle abonar as cantidades correspondentes ao traballador polos catro días que non percibiu o soldo.

Declaran improcedente o despedimento do operario de Geriatros que pedira unha adecuación de posto

Concentración Geriatros en Chantada 21-02-2011 4

28/5/11.

O Xulgado do Social nº 2 de Lugo declarou improcedente o despedimento do traballador da residencia Geriatros de Chantada que pedira a adecuación do posto por mor dunha diminución de capacidade. A empresa ten a opción de readmitir o operario ou de indemnizalo con 51.047´92 euros. O fallo tamén obriga o xeriátrico a aboar os salarios de tramitación, aqueles que deixou de percibir o traballador desde o día do despedimento.

Os asuntos propios non contan como tempo traballado e terán que recuperarse na seguridade privada

26/4/11.

Os días de asuntos propios non computan como tempo efectivo de traballo e deberán recuperarse aos efectos do cumprimento da xornada laboral no convenio de seguridade privada. Así o resolveu o Tribunal Supremo ao estimar o recurso de casación que presentara Securitas contra unha sentenza da Audiencia Nacional, agora anulada, que lles daba a razón aos sindicatos neste tema.

Os salarios incrementaranse un 5% para o persoal do convenio de atención ás persoas dependentes

12/4/11.

A Sala do Social da Audiencia Nacional recoñece o dereito dos traballadores afectados polo convenio de servizos de atención ás persoas dependentes a que se lles incremente o soldo nun 5% en 2011. O Tribunal tamén ordena que se lles abonen aos empregados o plus de domingos e festivos a razón de 18 euros, con efectos retroactivos desde o 1 de xaneiro deste ano.

O TSXG desestima a impugnación do convenio de instalacións deportivas

Mobilización_convenio_deportes_autor_Pixelin

03/2/11.

A Sala do Social do Tribunal Superior de Xustiza de Galiza desestimou a demanda de impugnación do convenio autonómico de instalacións deportivas que presentara a Federación Galega de Empresarios de Ximnasios. Por outra banda, non houbo avinza na mediación sobre a interpretación do convenio. Porén, as negociacións retomaranse o 10 de febreiro.

A Audiencia Nacional considera que os asuntos propios na seguridade privada computan como tempo traballado

07/7/10.

A Sala do Social da Audiencia Nacional dálle a razón aos sindicatos na controversia xurdida en torno á interpretación e aplicación do artigo do convenio de seguridade privada que regula os asuntos propios. O tribunal entende que o goce deste permiso retribuído debe computarse como tempo efectivo de traballo aos efectos de determinar o cumprimento da xornada ordinaria mensual ou anual.