SERGAS

A Xustiza anula os servizos mínimos dos paros parciais na limpeza do Hospital de Cee

20120120_limpeza_hospital_de_cee.jpg
02/2/12.
O xulgado do Contencioso-administrativo número 1 da Coruña anulou o decreto ditado pola Consellaría de Sanidade sobre os servizos mínimos nos paros parciais convocados en novembro na limpeza do Hospital de Cee. Este órgano xudicial considera que a medida adoptada pola Xunta é contraria ao exercicio do dereito fundamental á folga.

Asinado o convenio da limpeza do Hospital da Costa

Hospital da Costa de Burela, concentración do persoal de limpeza
25/11/11.
O convenio da limpeza do Hospital da Costa de Burela asinouse o 24 de novembro logo dun longo proceso de negociación, iniciado en marzo de 2010, que incluso levou consigo mobilizacións dos traballadores e traballadoras. O acordo, que foi referendado polo cadro de persoal reunido en asemblea, contempla, a partir do 1 de xaneiro de 2013, a equiparación da xornada co Grupo E do Sergas, tal e como acontece no resto de centros hospitalarios do país. Como paso previo a esta homologación, as partes decidiron reducir parcialmente a xornada en 2012 a través de días libres que a empresa plasmará nos cuadrantes.

Comezan as mobilizacións diarias da limpeza do Hospital de Burela

20111003_limpeza_hospital_burela.jpg
03/10/11.
O persoal da limpeza do Hospital de Burela comezou o 3 de outubro as mobilizacións diarias para lle reclamar á concesionaria a equiparación co Grupo E do Sergas e que retome a negociación do convenio. A asemblea de traballadoras e traballadores, reunida o 27 de setembro, decidiu prolongar as protestas até que Samyl S.L. se comprometa, en firme e por escrito, a cumprir as demandas do cadro de persoal. A empresa, de non asinar o acordo coa parte social, enfrontarase a diferentes medidas de presión.

A limpeza do Hospital de Burela concentrarase a diario para esixir o cumprimento dos acordos

protesta_limpeza_hospital_de_burela.jpg
29/9/11.
As traballadoras e traballadores da limpeza do Hospital da Costa de Burela concentraranse a diario, a partir do 3 de outubro, para esixirlle á concesionaria, SAMYL, que cumpra o acordado coa parte social con respecto á equiparación co Grupo E do SERGAS e retome a negociación do convenio, cuxa vixencia expirou en 2006. As protestas desenvolveranse ás 10:45 horas no recibidor do centro.

A limpeza do Hospital de Burela mobilízase para reclamar a sinatura do novo convenio

Hospital da Costa de Burela, concentración do persoal de limpeza
28/2/11.
As traballadoras e traballadores do servizo de limpeza no Hospital da Costa de Burela concentráronse o 24 e febreiro por espazo de media hora no vestíbulo do centro para lle reclamar á concesionaria, Samyl S.L., que o novo convenio colectivo os equipare en xornada co Grupo E do SERGAS. O persoal pretende acadar unha equiparación total (a salarial xa se conseguiu) tal e como ocorre no resto de centros hospitalarios do país.

As protestas da limpeza do CHUAC chegan até as portas do Centro de Especialidades do Ventorrillo

20100108_limpeza_ventorrillo.jpg
09/1/10.
As traballadoras e os traballadores do servizo de limpeza dos centros adscritos ao CHUAC continúan nestes primeiros días do ano co calendario de mobilizacións en demanda do cumprimento dos convenios colectivos e na defensa dos seus dereitos laborais. As protestas trasladáronse o 8 de xaneiro até o Centro de Especialidades do Ventorrillo.

O xerente do CHUAC comprométese co persoal a mediar coas empresas de limpeza

20091215_limpeza_chuac.jpg
16/12/09.
O xerente do Complexo Hospitalario Universitario da Coruña (CHUAC) comprometeuse con representantes da CIG-Servizos a mediar coas concesionarias da limpeza para que estas apliquen os convenios colectivos. Mentres, o calendario de mobilizacións continuará até que se produzan avances nas reclamacións dos empregados/as.

A limpeza do CHUAC, disposta a convocar folga se as empresas seguen a incumprir os convenios

11/12/09.
O persoal dos servizos de limpeza dos centros adscritos ao Complexo Hospitalario Universitario da Coruña (CHUAC) continúa co calendario de mobilizacións para esixir ás empresas concesionarias o cumprimento estrito dos convenios colectivos.

O persoal de limpeza do CHUAC mobilízase para esixir ás concesionarias o cumprimento dos convenios

20091201_limpeza_chuac.jpg
01/12/09.
O persoal dos servizos de limpeza dos centros adscritos ao Complexo Hospitalario Universitario de A Coruña (CHUAC) iniciou o 1 de decembro un calendario de mobilizacións para reclamar ás empresas concesionarias do servizo o cumprimento estrito dos convenios colectivos. CIG-Servizos non descarta convocar folga de non solucionarse a situación.

A folga na Limpeza hospitalaria ourensá será os días 16, 17, 18 e 19 de novembro

02/11/09.
Os persoal da limpeza das institucións hospitalarias da provincia de Ourense decidiu que a folga sexa os días 16, 17, 18 e 19 de novembro. Os paros han ser indefinidos a partir do 21 deste mes se antes non se alcanza un acordo.

EUROLIMP,S.A., empresa maioritaria, está a boicotear as negociacións con propostas que cuestionan a base do convenio como a equiparación salarial dos traballadores e traballadoras co persoal do grupo E do SERGAS, que se vén aplicando desde hai 20 anos.

Distribuir contido