Vigo

Empregados/as de Povisa escenifican a 'morte' do convenio colectivo cun velorio polas rúas de Vigo

A dirección négase a retomar as negociacións para que o acordo laboral decaia e poder aplicar o convenio provincial
01/3/13.
Un grupo de empregados e empregadas do hospital Povisa de Vigo escenificaron onte a 'morte' do convenio colectivo cun velorio que percorreu as rúas da cidade dende o centro médico até Praza América. Dende o comité de empresa acusan á dirección de negarse a retomar as negociacións para que decaia o acordo laboral e poder aplicar dese xeito o convenio provincial, que é un 40% máis baixo.

A CIG-Servizos reclama cunha protesta diante do Marco o mantemento do emprego no museo vigués

Dende a federación denuncian que a pugna política entre Deputación (PP) e Concello (PSOE) aboca a infraestrutura ao peche
15/1/13.
Un grupo de traballadores/as do museo Marco de Vigo e de delegados/as da CIG levaron a cabo unha concentración de protesta ás portas do edificio para reclamar o mantemento do emprego no centro. Dende a federación de Servizos da central nacionalista denuncian que o enfrontamento político entre a Deputación (PP) e o Concello (PSOE) pon en perigo a supervivencia dunha das infraestruturas culturais de referencia na cidade.

Colapsan varios supermercados en protesta polo bloqueo do convenio do comercio de alimentación

Membros da CIG, CCOO e UGT volveron mercar gran cantidade de produtos para devolvelos a continuación
17/12/12.
Delegados/as sindicais e traballadores/as do comercio de alimentación da CIG, CCOO e UGT desenvolveron hoxe en Vigo novas accións de protesta para reclamar o desbloqueo das negociacións do convenio colectivo. A mobilización, que ao igual que as levadas a cabo anteriormente en tendas de roupa consistiu en mercar gran cantidade de produtos para devolvelos a continuación, o que provocou largas colas en dous supermercados da cidade.

A CIG detecta irregularidades no concurso da limpeza de Vigo que beneficiarían á actual concesionaria

Dende a central lembran que Linorsa debe quedar fóra do proceso porque foi sancionada por fraude á Seguridade Social
26/9/12.
A CIG denuncia que as irregularidades detectadas no proceso de adxudicación do servizo de limpeza do Concello de Vigo poderían beneficiar á actual concesionaria, Linorsa. Dende a central nacionalista lembran que a empresa debe quedar fóra do concurso dado que foi sancionada por fraude á Seguridade Social.

A CIG reclámalle o Concello de Vigo que manteña todos os postos de traballo nos museos da cidade

A redución do orzamento nun 50% afectará a sete vixiantes de seguridade e a 10 auxiliares de salas
03/8/12.
A federación de Servizos da CIG demanda do Concello de Vigo que garanta o mantemento de todos os postos de traballo nos distintos centros museísticos da cidade. Dende a central nacionalista advirten que a redución á metade do orzamento destinado á xestión destas infraestruturas tradúcese no despedimento de sete vixiantes de seguridade e 10 auxiliares.

Traballadoras/es de Linorsa e delegados/as da CIG protestan contra a persecución ás afiliadas/os

A concesionaria da limpeza dos colexios públicos de Vigo despediu unha delegada do comité e sancionou sen emprego e soldo outras
14/6/12.
Arredor dun cento de traballadoras/es e delegados/as sindicais da CIG concentráronse hoxe ás portas de Linorsa para denunciar os incumprimentos da empresa a persecución da dirección ás afiliadas/os da central. Dende o sindicato nacionalista lembran que a concesionaria dos colexios públicos de Vigo despediu unha delegada do comité e sancionou sen emprego e soldo a outras dúas.

A CIG-Servizos denuncia que o Náutico de Vigo aproveita a escusa da crise para despedir empregados

A central nacionalista celebrou dúas protestas diante da entidade e seguirá a convocar mobilizacións para esixir a readmisión de
30/5/12.
A federación de Servizos da CIG de Vigo denuncia que a dirección do Real Club Náutico da cidade está a aproveitar a escusa da crise para aplicar a nova reforma laboral e despedir traballadores/as alegando perdas económicas. Dende a central nacionalista lembran que a entidade xa lle rescindiu o contrato a catro empregados/as, un deles con preto de 40 anos de antigüidade. Nos vindeiros días convocarán novos actos de protesta diante do edificio.

ESABE rebaixa as gratificacións extraordinarias ao persoal

ESABE
04/1/12.
A empresa de seguridade privada ESABE Vigilancia rebaixou a contía das gratificacións extraordinarias ao excluír do seu cálculo os pluses de vestiario e transporte. A compañía ampárase no artigo 71 do convenio sectorial e alega que estivo pagando erroneamente estes conceptos. ESABE, non obstante, non é tan dilixente á hora de solucionar os problemas xerados nos cobramentos das nóminas, das pagas, das liquidacións ou no tocante á uniformidade ou aos exercicios de tiro. Mentres, os empregados da provincia de Pontevedra xa convocaron mobilizacións.

A Inspección de Traballo constata contratación irregular en Linorsa

Protesta no pleno municipal de Vigo das traballadoras da limpeza dos colexios públicos
02/1/12.
A Inspección de Traballo constatou irregularidades na contratación de 25 empregadas da limpeza dos colexios públicos de Vigo, que deberán ser indefinidas. A autoridade laboral entende que os contratos temporais non estaban xustificados. Porén, non vai sancionar Linorsa pois asumiu o compromiso de regularizar a situación das operarias, que pasarán a ser fixas descontinuas con carácter indefinido.

Ocupan a sede de Linorsa en Vigo para esixir a readmisión das despedidas na limpeza dos colexios

20111228_linorsa_vigo.jpg
29/12/11.
Medio cento de delegados e delegadas da CIG-Servizos ocuparon a sede de Linorsa en Vigo, o 28 de decembro, para esixir a readmisión das 12 traballadoras da limpeza dos colexios públicos que foron despedidas por teren participado nunha folga. As mobilizacións do sindicato e do persoal desta concesionaria han continuar nas próximas semanas.

Distribuir contido