Vigo

Atinxido un acordo no conflito da limpeza dos colexios públicos vigueses

limpeza_colexios_vigo_detalle_manifestacion.jpg
28/2/11.
Representantes da CIG e do Concello de Vigo alcanzaron o 27 de febreiro un acordo no que instan Linorsa a cumprir todos os compromisos acadados co comité sobre o incremento da xornada a traballadoras. O documento subscrito tamén contempla a contratación da empregada que non foi renovada por secundar a folga desenvolvida a finais do ano pasado.

CIG-Servizos renova a maioría absoluta na limpeza dos colexios públicos de Vigo

protesta_pleno_empregadas_limpeza_colexios_vigo.jpg
14/2/11.
A Federación de Servizos da CIG revalidou o 11 de febreiro a maioría absoluta en Linorsa no centro de traballo da limpeza dos colexios públicos de Vigo. A central nacionalista acadou cinco representantes no comité, dous UGT e CC.OO outros dous. As inxerencias do Concello, as presións da empresa e a complicidade de UGT con todas esas prácticas non impediron unha nova vitoria da CIG-Servizos, sindicato maioritario no comité desde hai 20 anos.

CIG-Servizos de Vigo organiza asembleas informativas sobre a folga xeral

Folga xeral, manifestación en Ferrol
18/1/11.
CIG-Servizos de Vigo convoca o 19 de xaneiro dúas asembleas informativas dirixidas ao conxunto da afiliación e que versarán sobre a folga xeral do día 27. As reunións hanse desenvolver no salón de actos da Unión comarcal, no número 47 da rúa Gregorio Espino, en horario de mañá e tarde (ás 10:00 e ás 17:00 horas).

CIG-Servizos fai patente na rúa a súa oposición ao convenio de seguridade privada

20101214_mani_seguridade_vigo
15/12/10.
CIG-Servizos reuniu o 14 de decembro en Vigo algo máis dun cento de delegados e traballadores da seguridade privada na manifestación de protesta contra o convenio asinado en Madrid, que consagra a perda de poder adquisitivo, entre outras consecuencias negativas. Na marcha tamén se reivindicou a negociación dun convenio galego sectorial como solución ás demandas dos vixilantes.

Desconvocada a folga na limpeza dos colexios públicos de Vigo

20101117_folga_limpeza_vigo
11/12/10.
As negociacións en días pasados entre o Concello, Linorsa e a CIG-Servizos serviron para alcanzar un acordo que implica a desconvocatoria da folga iniciada o 15 de novembro. A empresa comprométese a respectar os pactos asinados co comité e acepta incluír na negociación do vindeiro convenio a regulación do horario das operarias. Linorsa aumentará as horas a aquelas empregadas que o precisen para a súa xubilación.

Centos de persoas apoian nunha marcha a loita da limpeza dos colexios vigueses

20101203 Vigo, manifestación do persoal de limpeza dos colexios públicos
06/12/10.
Unhas 300 persoas secundaron o 3 de decembro en Vigo a manifestación convocada pola CIG-Servizos en apoio ás traballadoras da limpeza dos colexios públicos da cidade, que permanecen en folga desde o 15 de novembro. O sindicato puxo a venda bonos solidarios como consecuencia da prolongación do conflito por mor do inmobilismo do Concello e da concesionaria, Linorsa.

Manifestación nacional contra o convenio de seguridade o 14 de decembro en Vigo

20091204_seguridade_corunha_11
29/11/10.
CIG-Servizos convoca, o 14 de decembro en Vigo, unha manifestación nacional contra a sinatura do convenio estatal de seguridade privada. A marcha partirá ás 10:30 horas desde a Praza de España e percorrerá diversas rúas do centro da cidade. A Federación fretará autobuses desde as comarcas.

Convocada folga indefinida na limpeza dos colexios públicos de Vigo

Protesta no pleno municipal de Vigo das traballadoras da limpeza dos colexios públicos
04/11/10.
O comité de empresa das traballadoras da limpeza dos colexios públicos de Vigo acordou convocar folga indefinida a partir do 15 de novembro. A protesta afectará 57 centros educativos. Linorsa, a concesionaria deste servizo que emprega 155 operarias, incumpre de xeito sistemático os acordos acadados co comité no tocante a contratacións e horarios. O Concello é coñecedor da situación mais fai caso omiso das reclamacións da parte social. As traballadoras están chamadas a participaren nunha asemblea no local da CIG viguesa, o 10 de novembro, ás 20:00 horas.

Ocupan a sede de Caixanova en protesta polos despedimentos nas auxiliares

ocupacion_caixanova_vigo_20101028
29/10/10.
Sindicalistas e delegados/as da CIG-Servizos pecháronse temporalmente na sede central de Caixanova en Vigo o 28 de outubro para rexeitar os despedimentos previstos nas contratas da limpeza e seguridade. Do mesmo xeito, a central nacionalista urxe a apertura inmediata dunha negociación para abordar o futuro dos 300 postos das auxiliares desta entidade, ameazados tralo proceso de fusión das caixas.

ASEMACO, CC.OO e UGT amosan a súa galegofobia no convenio pontevedrés de materiais de construción

mordaza_espanha
28/5/10.
CIG-Servizos, malia ter asinado o preacordo, non rubricou finalmente o convenio do comercio de materiais de construción da provincia de Pontevedra como consecuencia da negativa da patronal ASEMACO e de CC.OO e UGT de redactar o texto en galego. Os empresarios e os sindicatos españois xustificaron o seu comportamento alegando que se trata “dun capricho da CIG”.

Distribuir contido