folga

A Xustiza anula os servizos mínimos dos paros parciais na limpeza do Hospital de Cee

02/2/12.

O xulgado do Contencioso-administrativo número 1 da Coruña anulou o decreto ditado pola Consellaría de Sanidade sobre os servizos mínimos nos paros parciais convocados en novembro na limpeza do Hospital de Cee. Este órgano xudicial considera que a medida adoptada pola Xunta é contraria ao exercicio do dereito fundamental á folga.

A folga contra a ampliación dos horarios en Catro Camiños pecha máis do 90% das tendas

29/12/11.

Máis do 90% dos estabelecementos do centro comercial Catro Camiños, na Coruña, pechou na folga do 28 de decembro contra a ampliación do horario de apertura até as 22:00 horas. Agás C&A, todas as tendas do Grupo Inditex, Cortefiel e unha parte importante do pequeno comercio secundaron o paro desenvolvido entre as 21:00 e 22:00 horas. A folga será indefinida a partir do 9 de xaneiro no caso de que a dirección do centro e as multinacionais non desistan dos seus propósitos.

Aprazado o xuízo contra Adolfo Naya

20110628 Concentración solidaria na Delegación do Goberno español (foto www.galizacontrainfo.org)

14/7/11.

A maxistrada do Xulgado do Penal nº5 da Coruña adiou sine die a vista contra Adolfo Naya ante a imposibilidade de celebrala en tan só media hora, duración que lle asignara na súa axenda. A xuíza tomou esta decisión tras ouvir o anuncio da avogada defensora de que ía presentar dúas testemuñas no propio acto.

Comunicado da CIG-Servizos perante o xuízo ao compañeiro Adolfo Naya

Marcha solidaria na Coruña por un convenio galego de instalacións deportivas 7

12/7/11.

CIG-Servizos da Coruña deu a coñecer un comunicado de apoio ao compañeiro Adolfo Naya, secretario nacional de Organización, ante o proceso penal ao que se enfronta por exercer o lexítimo dereito á folga e reclamar un convenio digno e con dereitos para o persoal das instalacións deportivas. A vista hase celebrar o 14 de xullo no Xulgado do Penal nº5 da Coruña, ás 11:30 horas.

O sindicato mobilízase contra a represión do Goberno español

20110628 Concentración fronte á Delegación do Goberno en contra da represión sindical

28/6/11.

Varios centos de traballadores e traballadoras, delegados e cadros do sindicato déronse cita na Coruña, o 28 de abril, na concentración organizada diante da Delegación do Goberno español contra a represión exercida polo Estado contra a Federación. En 2010 as diferentes Subdelegacións impuxéronlles a 70 afiliados sancións que superan os 40.000 euros. Ademais, existen peticións de cadea para dous militantes, Adolfo Naya e Marcos Cadórniga, por ter exercido os dereitos fundamentais á folga e á liberdade sindical.

Paremos a represión sobre a CIG-Servizos! Concentración na Coruña o 28 de xuño

22/6/11.

Solicitudes de penas de prisión contra dous militantes e máis de 40.000 euros en sancións administrativas a 70 afiliados son parte das represalias do Estado español contra a CIG-Servizos. A Federación, en resposta a estes ataques, organiza unha concentración diante Delegación do Goberno español, na Coruña, o 28 de xuño ás 11:00 horas. Adolfo Naya, secretario nacional de Organización, enfróntase a unha petición de catro anos de cadea pola súa participación na folga de instalacións deportivas. Ao compañeiro Marcos Cadórniga solicítanlle penas de 6 meses a 3 anos de prisión e outra de 10 meses de privación de liberdade tamén por tomar parte en diferentes conflitos laborais.

O persoal do Pazo de Libunca prosegue coas xornadas de folga

25/4/11.

Os traballadores e traballadoras do Pazo de Libunca, pertencentes á empresa N. Barros Gestión Hotelera, secundaron novas xornadas de folga os días 22 e 23 de abril como medida de protesta polos impagamentos que veñen sufrindo desde hai meses.

CIG-Servizos solicita un embargo preventivo para que cobren os empregados do Pazo de Libunca

13/4/11.

O persoal do Pazo de Libunca aínda non percibiu parte dos salarios de decembro e xaneiro. Esta circunstancia levou a CIG-Servizos a solicitar un embargo preventivo das cantidades que varias entidades e partidos políticos teñen pendentes de pagamento con este estabelecemento hostaleiro naronés, propiedade da deputada autonómica do PP Natalia Barros. Os días 16, 22 e 23 de abril hai convocados paros de 24 horas.

Milleiros de persoas amosan a súa dignidade fronte ao capital e o sindicalismo entreguista

Folga xeral do 27 de xaneiro manifestación en Vigo

29/1/11.

Unhas 80.000 persoas participaron o 27 de xaneiro nas mobilizacións convocadas pola CIG na xornada de folga xeral que impulsou o sindicato contra a reforma do sistema de pensións, aprobada finalmente polo Goberno español grazas ao apoio insultante e desprezábel de UGT e CC.OO. Fronte á traizón, o oprobio, a inmundicia, a covardía e a corrupción destas centrais amarelas, ducias de miles de traballadoras e traballadores organizados na CIG déronlles unha lección de honestidade, loita e dignidade.

CIG-Servizos de Vigo organiza asembleas informativas sobre a folga xeral

18/1/11.

CIG-Servizos de Vigo convoca o 19 de xaneiro dúas asembleas informativas dirixidas ao conxunto da afiliación e que versarán sobre a folga xeral do día 27. As reunións hanse desenvolver no salón de actos da Unión comarcal, no número 47 da rúa Gregorio Espino, en horario de mañá e tarde (ás 10:00 e ás 17:00 horas).