folga

Persoal da limpeza do Xeral de Vigo convocan nova folga en defensa das condicións laborais

A concesionaria Clece comunicou a aplicación do convenio provincial e a presentou un ERE
04/4/14.
O cadro de persoal de Clece, concesionaria da limpeza do hospital Xeral de Vigo, decidiron hoxe en asemblea convocar unha nova folga indefinida en defensa das súas condicións laborais despois de que a empresa lles comunicase a aplicación do convenio provincial e a presentación dun ERE.

Convocadas dúas xornadas de folga parcial do persoal do convenio de lavandarías da Coruña

30/1/14.
O persoal afectado polo convenio provincial –A Coruña- de Lavandarías, Tinturerías e Pranchado de Roupa irá á folga os próximos días 1 e 3 de febreiro por mor da pretensión da patronal de recortar dereitos consolidados, no novo convenio que se está a negociar.

Paralizada área de servizo de MEDAS na AP-9 en demanda da readmisión dun traballador despedido

Denuncia que o despedimento pretende amedrentar o resto do persoal para aceptar os cambios nas condicións laborais sen protestar
05/12/13.
A área de servizo da AP-9 á altura de Luou (Teo) estivo paralizada por mor da folga convocada pola CIG-Servizos entre as 14:00 e as 16:00 horas. A empresa MEDAS despediu hai aproximadamente 15 días a un traballador alegando causas económicas. Porén, a CIG-Servizos denuncia que se trata dun despedimento que ten como obxectivo amedrentar ao conxunto do persoal para que acepte, sen cuestionalos, os cambios das condicións laborais que a empresa MEDAS pretende impor.

Convocada folga na área de servizo de Medas á altura de Luou (Teo) da autoestrada Coruña-Vigo

O xoves 5 de decembro, de 14:00 a 16:00 horas polo despedimento dun compañeiro coa intención de amedrentar o conxunto do persoal
03/12/13.
A empresa MEDAS, na área de servizo da autoestrada A Coruña-Vigo, á altura do concello de Teo, despediu hai aproximadamente 15 días a un traballador alegando causas económicas. Porén, a CIG-Servizos denuncia que se trata dun despedimento que ten como obxectivo amedrentar ao conxunto do persoal para que acepte, sen cuestionalos, os cambios das condicións laborais que a empresa MEDAS pretende impor.

O comité de empresa de Clece convoca a folga na limpeza do Xeral-Cíes, que comezará o dia 3

Os traballadores/as da nova concesionaria sumáronse ao paro indefinido para defender o convenio de empresa
23/9/13.
O comité de Clece, a nova concesionaria do servizo de limpeza do hospital Xeral-Cíes de Vigo, formalizou esta mañá a convocatoria de folga indefinida a partir do xoves 3 de outubro ás 7.00 horas contra a decisión da empresa de modificar as condicións laborais. A compañía pretende aplicar o convenio provincial de limpeza e deixar sen efecto o propio, en vigor dende o ano 1986.

O 100% secundan a folga do lixo na Coruña e máis dun milleiro de persoas participan na marcha de apoio

Durante o paro de 24 horas en solidariedade coa loita de Albada houbo incendios na planta de Nostián e nos puntos limpos
27/8/13.
A totalidade dos empregados/as da limpeza viaria, recollida de lixo e tratamento de residuos da área da Coruña sacundan o paro de 24 horas en apoio da loita de Albada que se desenvolve dende as 23.00 horas do luns e que rematará ás 23.00 horas deste martes 27. Durante a noite produciuse a queima de ducias de contenedores e rexistráronse incendios na planta de Nostián e nos puntos limpos de Eirís e A Grela.

O paro no servizo de limpeza e recollida de residuos da área coruñesa deixouse sentir dende primeiras horas e afectou aos centros de traballo de Cespa-A Coruña, Cespa-As Mariñas e o Complexo Medioambiental de Sogama en Cerceda (incluído o vertedoiro da Areosa).

Na cidade herculina varios centos de persoas que integraban un piquete impediron a saída dos camións de recollida, que tiveron que ser escoltados por un amplo depregue policial.

Comités de Urbaser-Ferrol e Cespa-Pontevedra apoian a loita de Albada e o paro deste luns

Os traballadores/as de Nostián, en folga dende o 28 de xullo, convocan unha manifestación este martes ás 12.00 horas
25/8/13.
Os comités de empresa de Urbaser en Ferrol e de Cespa en Pontevedra veñen de facer público un comunicado no que se solidarizan coa loita dos traballadores/as de Albada e amosan o seu apoio á xornada de folga de 24 horas convocada no sector de limpeza viaria, recollida de lixo e tratamento de residuos da área da Coruña dende as 23.00 horas deste luns 26 de agosto até as 23.00 horas do martes 27. O paro, enmarcado nunha loita conxunta cos traballadores/as de Albada, afectará aos centros de traballo de Cespa-A Coruña, Cespa-As Mariñas e o Complexo Medioambiental de Sogama en Cerceda (incluído o vertedoiro da Areosa.

Folga o 26 de Agosto en Cespa-A Coruña, Cespa-As Mariñas, Sogama e o vertedoiro da Areosa

O paro, enmarcado nunha loita conxunta cos traballadores/as de Albada, durará 24 horas e comezará ás 11 da noite
14/8/13.
As organizacións sindicais e os Comités de empresa veñen de anunciar a convocatoria dunha xornada de folga de 24 horas no sector de limpeza viaria, recollida de lixo e tratamento de residuos da área da Coruña, que se desenvolverá dende as 23:00 horas do luns 26 de agosto até as 23:00 horas do martes 27. O paro, enmarcado nunha loita conxunta cos traballadores/as de Albada, afectará aos centros de traballo de Cespa-A Coruña, Cespa-As Mariñas e o Complexo Medioambiental de Sogama en Cerceda (incluído o vertedoiro da Areosa) .

A convocatoria enmárcase nos acordos adoptados a principios desta semana entre a representación do persoal destes centros, o Comité de Albada e as organizacións sindicais CIG, CCOO e UGT, co obxectivo de promover mobilizacións conxuntas en defensa das condicións laborais e salariais de todos os traballadores/as do sector e en solidariedade coa loita que están a realizar os empregados/as da planta de Nost

Ante o bloqueo das negociacións o persoal de Albada decidirá en asemblea novas medidas de presión

Os traballadores/as continúan adiante coa folga iniciada o pasado 28 de xullo
09/8/13.
O persoal da planta de tratamento de residuos de Nostián decidirá en asemblea o novo calendario de accións a desenvolver nas próximas semanas, á vista do insistente bloqueo por parte da dirección da Albada, que na última mediación optou por rachar as conversas unilateralmente e abandonar a reunión. A asemblea, que terá lugar este venres ás 21:30 horas no edificio sindical, prodúcese no 13º día de folga en demanda da readmisión dos compañeiros/as despedidos/as, na defensa dos postos de traballo e do convenio colectivo, que a empresa pretende desmantelar dun xeito totalmente descarado.

A dirección de Albada dificulta a resolución do conflito ao pretender agora unha rebaixa salarial real do 18%

A empresa rachou de xeito unilateral as negociacións
06/8/13.
A folga que os traballadores e traballadoras da planta de Nostián están desenvolvendo dende hai máis dunha semana continuará adiante logo de que a empresa complicase calquera saída dialogada ao abandonar a mediación e intentar impor unha rebaixa salarial teórica do 8%, mais que na realidade supón na nómina de cada traballador/a unha redución de arredor do 18% do seu salario.

Distribuir contido