folga

A práctica totalidade do cadro de Neira & Ortegal secunda a folga

03/9/10.
A folga do 2 de setembro en Neira & Ortegal, secundada polo 95% do persoal, serviu para que a empresa aboase o salario de xullo. Porén, a compañía aínda debe a paga extraordinaria. A protesta convocada polo comité tamén evidenciou o rexeitamento contra o ERE, cuxa resolución pola autoridade laboral está prevista para a vindeira semana.

Convocada folga en Neira & Ortegal o 2 de setembro en contra do ERE

01/9/10.
O cadro de persoal de Neira & Ortegal S.L, empresa dedicada á compra-venda de materiais de construción con centros en Ferrol, Narón, Ortigueira e Viveiro, convocou folga para o 2 de setembro co obxecto de reclamar os salarios adebedados e en contra do Expediente de Regulación de Emprego de extinción proposto pola sociedade.

Convocada folga no comercio téxtil da provincia de Pontevedra para o 1 de xullo

30/6/10.
CIG-Servizos, UGT e CC.OO convocaron folga no comercio téxtil da provincia de Pontevedra para o 1 de xullo en protesta polo bloqueo da negociación do convenio sectorial. O paro afectará unhas 600 empresas e uns 4.000 traballadores/as.

Convocada folga na residencia Geriatros de Cabanas contra o despedimento dunha delegada do comité

Geriatros_laraxe.jpg
19/3/10.
CIG-Servizos convocou folga na residencia da terceira idade Geriatros de Laraxe (Cabanas) para os días 8, 15 e 22 de abril como medida de protesta contra o despedimento dunha delegada do comité. Esta represalia é unha advertencia ao persoal do resto de xeriátricos da empresa para que non reclame melloras como as conseguidas no centro de Laraxe. Porén estes intentos serán inútiles.

Traballadores de deportes acampan indefinidamente na Coruña

20100304_acampada_deportes_corunha
05/3/10.
Traballadores e traballadoras das instalacións deportivas iniciaron unha acampada indefinida no xardín da praza coruñesa onde teñen as sedes a delegación da Xunta e a Confederación de Empresarios. Preténdese que esta acción sirva para cominar a patronal a negociar e a desbloquear o conflito. No campamento participan empregados de diferentes puntos da provincia.

A patronal non acode a unha mediación e enquista aínda máis o conflito dos deportes

Marcha solidaria na Coruña por un convenio galego de instalacións deportivas 12
23/2/10.
Os empresarios das instalacións deportivas non compareceron o 22 de febreiro nunha mediación convocada no Consello Galego de Relacións Laborais para tentar abrir algunha vía que posibilite o diálogo coa parte social. Por outra banda, as protestas proseguen, tal como se demostrou o día 23 con peches simultáneos en Ames, Pontevedra, Ferrol e A Coruña.

Persoal de deportes é desaloxado pola policía da Dirección Xeral de Relacións Laborais

20100219_peche_relacions_laborais_pixelin.jpg
21/2/10.
A actuación da policía puxo fin a cinco horas de peche de sindicalistas e traballadores das instalacións deportivas no despacho do director xeral de Relacións Laborais, Odilio Martiñá. O desaloxo provocou contusións a varias persoas que participaron na protesta, desenvolvida o 19 de febreiro. Por volta de 200 empregados do sector concentráronse no exterior do edificio.

Convocada unha nova folga en Limpezas Ames por mor do impagamento de salarios

20090910_limpezas_ames.jpg
07/2/10.
O persoal de Limpezas Ames comezou o 8 de febreiro unha folga indefinida como protesta polo impagamento das dúas últimas mensualidades e pola escaseza de material para realizar o seu traballo en condicións.

Limpezas Ames é a empresa encargada do servizo de limpeza de diversos edificios municipais e de centros educativos da localidade. CIG-Servizos reclámalle ao Concello que rescinda canto antes a concesión, posto que a situación actual se repite periodicamente no tempo. Esta é a cuarta ocasión nos últimos dous anos que as traballadoras teñen que recorrer a medidas de presión para cobrar os seus salarios.

O persoal de deportes decide proseguir coa folga

20100205_deportes_bertamirans.jpg
06/2/10.
Os traballadores e traballadoras das instalacións deportivas acordaron en asembleas o 5 de febreiro proseguir coa folga indefinida no conflito que os enfronta coa patronal na negociación do convenio colectivo. Por conseguinte, as mobilizacións e protestas continuarán até que se produzan avances.

CIG-Servizos só apoiará a folga de UGT na seguridade privada para acadar melloras

Acción da seguridade privada na Coruña 5
01/2/10.
Ante o anuncio de convocatoria de folga e mobilizacións na seguridade privada que realizou UGT, CIG-Servizos manifesta que só se adherirá a estas medidas de protesta se con elas se pretenden conseguir melloras nas condicións e salarios dos traballadores do sector. Cómpre lembrar que UGT dá por boas a conxelación salarial en 2009 e subas do 1´8% para 2010 e 2011, condicións que rexeita taxativamente a central nacionalista.

Distribuir contido