limpeza

Atinxido un acordo no conflito da limpeza dos colexios públicos vigueses

limpeza_colexios_vigo_detalle_manifestacion.jpg
28/2/11.
Representantes da CIG e do Concello de Vigo alcanzaron o 27 de febreiro un acordo no que instan Linorsa a cumprir todos os compromisos acadados co comité sobre o incremento da xornada a traballadoras. O documento subscrito tamén contempla a contratación da empregada que non foi renovada por secundar a folga desenvolvida a finais do ano pasado.

CIG-Servizos renova a maioría absoluta na limpeza dos colexios públicos de Vigo

protesta_pleno_empregadas_limpeza_colexios_vigo.jpg
14/2/11.
A Federación de Servizos da CIG revalidou o 11 de febreiro a maioría absoluta en Linorsa no centro de traballo da limpeza dos colexios públicos de Vigo. A central nacionalista acadou cinco representantes no comité, dous UGT e CC.OO outros dous. As inxerencias do Concello, as presións da empresa e a complicidade de UGT con todas esas prácticas non impediron unha nova vitoria da CIG-Servizos, sindicato maioritario no comité desde hai 20 anos.

Convocada en Ferrol unha asemblea do persoal de limpeza de edificios da provincia

Folga limpeza, manifestación en Vigo
03/1/11.
CIG-Servizos de Ferrol convoca, o 4 de xaneiro ás 10:00 horas no local do sindicato, unha asemblea aberta a todos os traballadores e traballadoras afectadas polo convenio provincial de limpeza de edificios e locais. En breve comezará a negociación do novo texto pois a vixencia do anterior rematou o pasado 31 de decembro.

Desconvocada a folga na limpeza dos colexios públicos de Vigo

20101117_folga_limpeza_vigo
11/12/10.
As negociacións en días pasados entre o Concello, Linorsa e a CIG-Servizos serviron para alcanzar un acordo que implica a desconvocatoria da folga iniciada o 15 de novembro. A empresa comprométese a respectar os pactos asinados co comité e acepta incluír na negociación do vindeiro convenio a regulación do horario das operarias. Linorsa aumentará as horas a aquelas empregadas que o precisen para a súa xubilación.

CIG-Servizos gaña as eleccións en Ecourense

LOGO_CIG-SERVIZOS.JPG
06/12/10.
CIG-Servizos gañou as eleccións sindicais en Ecourense, concesionaria da limpeza viaria e da recollida do lixo no Concello ourensán, tras obter tres representantes no comité de empresa. UGT conseguiu o mesmo número de delegados pero menos votos, mentres que USO, CSIF e CC.OO acadaron un representante cada unha.

Centos de persoas apoian nunha marcha a loita da limpeza dos colexios vigueses

20101203 Vigo, manifestación do persoal de limpeza dos colexios públicos
06/12/10.
Unhas 300 persoas secundaron o 3 de decembro en Vigo a manifestación convocada pola CIG-Servizos en apoio ás traballadoras da limpeza dos colexios públicos da cidade, que permanecen en folga desde o 15 de novembro. O sindicato puxo a venda bonos solidarios como consecuencia da prolongación do conflito por mor do inmobilismo do Concello e da concesionaria, Linorsa.

O comité de Lousame condiciona a desconvocatoria da folga á aprobación dunha moción en Ames

Marcha Lousame
09/11/10.
O comité da planta de tratamento de residuos da Mancomunidade de Municipios “Serra do Barbanza”, situada en Lousame, pospuxo a folga que tiña convocada para o 8 de novembro. Os representantes dos traballadores concederon un novo prazo aos concellos, en especial ao de Ames, para que aproben mocións de apoio á continuidade deste servizo e abonen as débedas que teñen contraídas coa concesionaria.

Finaliza a folga no lixo de Ourense trala readmisión da candidata da CIG-Servizos

Imaxe folga lixo
08/11/10.
Tras seis xornadas de paro, a folga na limpeza e recollida do lixo do Concello de Ourense rematou o pasado 5 de novembro despois de que a concesionaria optase por readmitir a traballadora despedida por encabezar a lista da CIG-Servizos. Ecourense tamén se comprometeu a desistir na impugnación do laudo arbitral sobre o proceso electoral.

Convocada folga indefinida na limpeza dos colexios públicos de Vigo

Protesta no pleno municipal de Vigo das traballadoras da limpeza dos colexios públicos
04/11/10.
O comité de empresa das traballadoras da limpeza dos colexios públicos de Vigo acordou convocar folga indefinida a partir do 15 de novembro. A protesta afectará 57 centros educativos. Linorsa, a concesionaria deste servizo que emprega 155 operarias, incumpre de xeito sistemático os acordos acadados co comité no tocante a contratacións e horarios. O Concello é coñecedor da situación mais fai caso omiso das reclamacións da parte social. As traballadoras están chamadas a participaren nunha asemblea no local da CIG viguesa, o 10 de novembro, ás 20:00 horas.

Prosegue a loita contra a destrución de postos na auxiliares das caixas

Concentración na sede de Caixa Galicia na Coruña 6
02/11/10.
Máis dun cento de persoas convocadas pola CIG-Servizos concentrouse, o 2 de novembro, ás portas da oficina principal de Caixa Galicia na Coruña para denunciar a perda duns 300 postos nas auxiliares de limpeza e seguridade das caixas galegas.

Distribuir contido