negociación colectiva

Persoal de Emafesa mobilízase en demanda dun convenio que contemple melloras salariais

emafesa_ferrol.jpg
31/3/11.
Os traballadores e as traballadoras de Emafesa (Empresa Mixta de Augas de Ferrol, S.A.) comezaron na mañá do 30 de marzo as mobilizacións en contra da conxelación das retribucións e a prol da sinatura dun novo convenio que recolla melloras salariais e sociais. O 2 de abril desenvolverase unha asemblea no local da CIG de Ferrol para determinar o calendario de protestas.

A Federación presentará un conflito colectivo nas instalacións deportivas ante o fracaso do AGA

detalle_mobilizacion_deportes.jpg
21/3/11.
CIG-Servizos ha presentar un conflito colectivo no sector de instalacións deportivas para que a Xustiza dirima as discrepancias xurdidas cos empresarios en torno á aplicación do plus de transporte, á interpretación da xornada irregular ou ao descanso semanal. A vía xudicial fica expedita pois non houbo acordo sobre estes extremos no AGA celebrado o 17 de marzo na sede do Consello Galego de Relacións Laborais.

CIG-Servizos solicita a constitución da comisión paritaria no convenio de instalacións deportivas

20100117_manifestacion_deportes_corunha.jpg
21/11/10.
O secretario nacional da CIG-Servizos, Paulo Rubido, remitiu ao Consello Galego de Relacións Laborais unha solicitude para constituír a comisión paritaria do convenio de instalacións deportivas e ximnasios. A petición do sindicato é unha resposta aos incumprimentos que se están a detectar no tocante á aplicación das táboas salariais, ao pagamento dos atrasos, á xornada, aos descansos ou aos complementos.

UGT e USO asinan o convenio de seguridade privada

20090225_prosegur_agrela_07.jpg
16/11/10.
Non houbo lugar a sorpresas e cumpriuse o guión estabelecido pola patronal da seguridade privada. UGT e USO asinaron o convenio do período 2009-2012 pese a que o texto contén condicións peores que algunhas das propostas que presentaran os empresarios ao longo dos dous anos de negociación. O presente convenio ocasiona unha perda do poder adquisitivo do 2´2% e non arbitra medidas de conciliación da vida laboral e familiar, entre outras consecuencias negativas para os vixilantes.

UGT e USO dan por boa a proposta económica da patronal da seguridade privada

mani_seguridade_privada_b
08/11/10.
UGT e USO deron o seu beneplácito á proposta dos empresarios da seguridade privada, polo que a sinatura do convenio é inminente. CIG-Servizos rexeita esta oferta porque supón unha perda importante de poder adquisitivo, nomeadamente do 2´2%. A central nacionalista reitera a súa demanda do convenio galego como única solución ás necesidades dos vixilantes.

Referendado un preacordo no almacén de Pull&Bear que contempla unha suba do 16´5% en tres anos

05/10/10.
As asembleas de traballadores do almacén loxístico de Pull&Bear referendaron o preacordo atinxido coa empresa na noite do 4 de outubro, que reportará aos operarios, entre outros aspectos, unha suba do 16´5% nos seus tres anos de vixencia. Ademais do incremento salarial, acadáronse melloras sociais relativas a licenzas retribuídas, excedencias, xornadas mínimas ou libranzas os días 24, 25 e 31 de decembro e o 1 de xaneiro. O cadro de persoal volverá aos seus postos o 6 de outubro.

Os paros han continuar no almacén de Pull&Bear a prol dun acordo laboral digno

04/10/10.
Os traballadores e traballadoras do almacén loxístico de Pull&Bear en Narón continuarán coa folga para conseguir un acordo laboral que colme as súas expectativas. Haberá novos paros os días 5, 6, 7 e 11 de outubro ao rexeitaren os operarios en asemblea a última oferta patronal. Deste xeito, dáselle continuidade ao calendario de mobilizacións que aprobaran semanas atrás os empregados e empregadas.

Convocados paros e folga no almacén de Pull&Bear de Narón

14/9/10.
O cadro de persoal do almacén loxístico de Pull&Bear de Narón está convocado a unha folga que se estenderá do 28 de setembro até as 03:00 horas do 1 de outubro. Do mesmo xeito, os traballadores e traballadoras están a secundar exitosamente paros dunha hora os domingos e martes nas quendas de mañá e noite. Todas estas accións de protesta están encamiñadas á consecución dun pacto de empresa con melloras salariais e sociais. No caso de que non se produzan avances, a folga repetirase novamente os días 5, 6, 7, 10 e 11 de outubro.

CC.OO e UGT asinan un preacordo no comercio téxtil pontevedrés sen o referendar as asembleas

FolgaTextilPo3.grande.JPG
30/7/10.
CC.OO e UGT asinaron un preacordo no convenio provincial do comercio téxtil de Pontevedra que non foi sometido a votación nas asembleas, que incumpre a plataforma sindical e que non satisfai os obxectivos marcados trala folga do 1 de xullo. CIG-Servizos entende que as dúas centrais españolas pactaron coa patronal un convenio á baixa e de maneira precipitada. Esta traizón bota por terra os intereses das traballadoras e traballadores dun sector que soubo reivindicar os seus dereitos coa realización dunha folga exemplar.

Persoal do almacén de Narón de Pull&Bear inicia mobilizacións para mellorar o acordo de empresa

pull_and_bear_naron
21/7/10.
Empregados do Almacén Loxístico de Pull&Bear iniciaron mobilizacións o 20 de xullo diante do centro de traballo, situado no polígono naronés de Río do Pozo, para demandar que o novo acordo de empresa conteña melloras salariais e sociais. As protestas retomaranse no mes de setembro.

Distribuir contido