Emalcsa (Empresa Municipal de Augas da Coruña)

O presente convenio colectivo regula as relacións laborais do persoal da Empresa Municipal Augas da Coruña, S.A., en todos os seus centros de traballo baixo os principios de igualdade e non discriminación de ningún tipo para o persoal suxeito ao mesmo. As normas deste convenio afectan todo o persoal que presta os seus servizos na actualidade, as súas clases pasivas e o que durante a súa vixencia ingrese na empresa, excepto o director xeral e o persoal que estea vinculado á empresa pola situación legal de alta dirección.