Perfumaría e afíns

O presente convenio será de aplicación en todos os centros de traballo daquelas empresas cuxa actividade ou actividades - sexan ou non con carácter exclusivo- consistan na fabricación, investigación, importación, distribución e/ou venda de produtos de perfumaría, cosmética, barbaría, de hixiene e coidado persoal e/ou de produtos cubertos pola normativa de cosméticos española vixente en cada momento, así como materias primas simples ou compostas vinculadas ao contido dos mesmos, esencias e aromas. Enténdese por distribución a comercialización e posta no mercado de produtos amparados por marcas das que a empresa membro sexa titular ou licenciataria, con carácter exclusivo, para o Estado español.