Están incluídas no campo de aplicación deste Convenio todas as actividades de prestación de servizos de vixilancia e protección de calquera clase de locais, bens ou persoas, leiras rusticas, leiras de caza, en canto aos distintos aspectos do réxime cinexético e dos establecementos de acuicultura e zonas marítimas protexidas con fins pesqueiros, así como servizos de escolta, transporte ou traslado cos medios e vehículos adecuados, depósito e custodia, manipulación e almacenamento de caudais, fondos valores, xoias, explosivos e outros bens e obxectos valiosos que precisen vixilancia e protección. Rexeranse tamén por este Convenio Colectivo as actividades de fabricación, distribución, instalación e mantemento de sistemas electrónicos, visuais, acústicos ou instrumentais.
