CIG-Servizos participou na concentración desenvolvida o 23 de xullo diante do estabelecemento de Jardiland en Iñás, no concello de Oleiros, en protesta polo despedimento dunha encargada que reclamou o cumprimento dos seus dereitos. A central nacionalista esixe a readmisión inmediata da operaria. Medio cento de persoas tomou parte na mobilización.

Empregados do Almacén Loxístico de Pull&Bear iniciaron mobilizacións o 20 de xullo diante do centro de traballo, situado no polígono naronés de Río do Pozo, para demandar que o novo acordo de empresa conteña melloras salariais e sociais. As protestas retomaranse no mes de setembro.

Un cento de vixilantes de seguridade privada de toda Galiza tomou parte na concentración convocada pola CIG-Servizos o 20 de xullo en coincidencia coa apertura do estabelecemento de IKEA na Coruña. A protesta serviu para visualizar ante a cidadanía o rexeitamento do sector ante a parálise da negociación do convenio, estancada por mor da inflexibilidade da patronal.

CIG-Servizos ofrece a versión actualizada do Estatuto dos Traballadores que contén as modificacións que introduciu o Real Decreto-lei 10/2010, de 16 de xuño, de medidas urxentes para a reforma do mercado de traballo. A central tamén facilita un resumo do decretazo.

CIG-Servizos anima todos os vixilantes de seguridade a asistir á manifestación que convocou en coincidencia coa inauguración do IKEA na Coruña o 20 de xullo. A protesta servirá para dar a coñecer á cidadanía as demandas do sector, que reclama un convenio digno e con dereitos. A marcha dará comezo ás 10:00 horas.

A Sala do Social da Audiencia Nacional dálle a razón aos sindicatos na controversia xurdida en torno á interpretación e aplicación do artigo do convenio de seguridade privada que regula os asuntos propios. O tribunal entende que o goce deste permiso retribuído debe computarse como tempo efectivo de traballo aos efectos de determinar o cumprimento da xornada ordinaria mensual ou anual.