UGT e USO rachan a unidade sindical na Seguridade privada

DSC01062_grande.jpg
A oitava xuntanza da negociación do convenio estatal de Seguridade privada para os anos 2009-2011, celebrada en Madrid o 16 de xullo, escenificou a ruptura da unidade sindical. UGT e USO presentaron unha proposta de negociación sen o consenso da CIG e CCOO, sindicatos que avogan por manter a oferta de mínimos recollida na acta da xuntanza do 20 de xaneiro.
17/7/09.

Máis unha vez a realidade demostra a inutilidade de pelexar por un convenio estatal. CIG-Servizos loitará, aínda que sexa en solitario, por un convenio galego e con dereitos para o persoal da Seguridade privada.

A proposta empresarial realizada na xuntanza do 14 de xullo (sétima reunión) representa unha provocación e unha tomadura de pelo aos traballadores e traballadoras do sector. A central nacionalista segue a manter a oferta sindical unitaria contida na acta número 6 (20 de xaneiro), unha proposta de mínimos xa de por si. A CIG-Servizos entende que se UGT e USO desexan abandonala presentando outra oferta, será baixo a súa responsabilidade e, por tanto, a unidade de acción darase por rematada.

A vindeira xuntanza da comisión negociadora hase realizar o 15 de setembro na capital do Estado español.

Actas das oito reunións celebradas até a data