UGT solicita un AGA unilateralmente no conflito das Residencias Privadas da Terceira Idade

20091001_residencias_compos.jpg
Mentres CIG-Servizos e CC.OO seguen adiante co calendario de mobilizacións a prol dun convenio digno para o persoal das Residencias Privadas da Terceira Idade, UGT, que se desvinculou das protestas, solicitou unilateralmente un AGA (Acordo interprofesional galego sobre procedementos extraxudiciais de solución de conflitos de traballo).
30/10/09.

UGT, despois de ter rachado a unidade sindical e atacado as medidas de mobilización que se tomaron trala ruptura da mesa de negociación, quere explorar xa a vía do AGA. A central remitiulle ao Consello Galego de Relacións Laborais un escrito de promoción do procedemento de conciliación-mediación coa escusa de que a negociación está bloqueada. UGT mesmo propón mediador para este procedemento.

CIG-Servizos e CC.OO entenden que esta nova manobra obedece á intención de querer atallar as mobilizacións acordadas. Dita postura favorece a posición da patronal ao dilatar no tempo a consecución dun convenio que dignifique as condicións salariais e laborais dos traballadores e traballadoras deste sector.

CIG-Servizos e CC.OO anunciaron que acudirán a este procedemento de mediación e así llo comunicaron ao Servizo de Solución de Conflitos. Mais isto non significa que estas dúas centrais deixen de se mobilizar.

As protestas continuarán o vindeiro 4 de novembro, desta volta cunha concentración ás 11:00 horas diante da Residencia Sanitas de Vigo (Rúa do Conde, 6).

AdxuntoTamaño
20091028_panfleto_3a_idade.pdf30.03 KB