Intensifícase a campaña informativa sobre o conflito do Comercio de Alimentación

A menos dunha semana da celebración das asembleas do persoal do Comercio de Alimentación da Coruña e Pontevedra nas que probabelmente se aprobe a convocatoria de folga, CIG-Servizos está a visitar múltiples centros de traballo para concienciar os empregados da importancia de se mobilizar para conseguir convenios dignos.

11/11/09.

Os compañeiros/as da Coruña están a distribuír panfletos nos que se debullan as demandas da plataforma sindical e a proposta patronal. Os textos repartidos reflicten o menosprezo da oferta empresarial, que tan só contempla subas máximas de 8 euros ao mes durante catro anos, e estabelecen unha comparativa entre as condicións salariais e laborais do persoal coruñés coas dos traballadores/as da provincia de Pontevedra, máis elevadas as destes como consecuencia das mobilizacións desenvolvidas no pasado e da irrelevancia nese territorio do sindicato USO.

Horarios das asembleas:

Provincia da Coruña (17 de novembro):

Compostela: ás 22:00 horas no Hotel Peregrino.
A Coruña: ás 22:15 horas no salón de actos do Edificio Sindical (avenida de Alfonso Molina, s/n).
Ferrol

Provincia de Pontevedra (18 de novembro):

Vigo: ás 22:00 horas no salón dos Salesianos (rúa Venezuela).
Pontevedra: ás 22:00 horas no salón de actos do Edificio sindical (rúa Pasantería).
Vilagarcía: ás 22:00 horas no Conservatorio (avenida da Mariña).

Adxuntamos panfletos repartidos pola CIG-Servizos da Coruña