Os empregados dos Alcampo vigueses mobilizaranse contra o cambio de horarios

A asemblea de traballadores/as dos Alcampo de Vigo decidiu presentar un conflito colectivo e mobilizarse contra a modificación dos horarios imposta pola multinacional francesa de grandes almacéns. As primeiras concentracións celebraranse os días 19 e 23 de decembro.
16/12/09.

A pretensión de Alcampo de trocar os horarios é consecuencia do último convenio de grandes almacéns, asinado en Madrid o verán pasado por FASGA e FETICO, que mingua considerabelmente as condicións laborais e salariais do persoal. Dito texto permite a posibilidade de realizar xornadas de 9 horas, ás que se engade outra de descanso que non computa como tempo traballado. Isto implica que os empregados poden estar 10 horas no centro de traballo.

CIG-Servizos emprendeu unha campaña informativa entre o persoal de grandes almacéns desde que El Corte Inglés modificou os horarios aos seus traballadores, de novo coa aquiescencia de FASGA e FETICO.

Concentracións nos Alcampos de Vigo:

- 19 de decembro:

  • 12:15 horas no Alcampo-Vigo I
  • 18:30 horas no Alcampo-Vigo II

- 23 de decembro:

  • 12:15 horas no Alcampo-Vigo II
  • 18:30 horas no Alcampo-Vigo I
AdxuntoTamaño
panfleto_alcampo.pdf21.82 KB