Os bombeiros de Galiza retoman a loita contra a privatización

Asembleas ao longo e ancho do país e unha manifestación na Coruña prevista para o 29 de xaneiro que rematará na Deputación provincial son unha mostra dos actos programados para a nova etapa de mobilizacións dos bombeiros dos parques comarcais. Estes traballadores expresarán desta forma a súa desconformidade coa precariedade existente nas emerxencias, que son un servizo esencial para a comunidade e cuxa xestión está en mans de empresas privadas.
20/1/10.

A Deputación da Coruña, por acordo dos tres partidos políticos que a compoñen (PSOE, BNG e PP), e en complicidade coa Consellería de Presidencia da Xunta de Galiza, decidiu impoñer para toda a provincia unha xestión das emerxencias pola vía da externalización dos seus servizos. Isto supón que o Consorcio de Emerxencias creado entre Deputación e Xunta será xestionado definitivamente por empresas privadas.

O cinismo e falsidade amosado polo PSOE e BNG cos cidadáns e cos sindicatos merece a maior das críticas e repulsa pois, por un lado, comunícanlles ás centrais que “queren e defenden” a xestión pública directa mentres impulsan e consolidan alí onde gobernan a externalización e privatización dos servizos.

CIG-Servizos, UGT e CC.OO entenden que, na práctica, os tres partidos políticos están a defender e aplicar o mesmo modelo. Por todo isto, os tres sindicatos convocan unha serie de mobilizacións en toda Galiza e unha grande manifestación na cidade da Coruña, o 29 de xaneiro, baixo o lema “Contra a privatización da xestión das emerxencias. Por un servizo público galego de prevención, extinción de incendios e salvamento”. A marcha partirá ás 11:30 horas desde a praza da Palloza e concluirá diante da sede da Deputación Provincial.

RELACIÓN DE ASEMBLEAS

  • PARQUES PÚBLICOS:

PARQUE

DATA

HORA

LUGO

21/xoves

12 horas

CORUÑA

22/venres

10 horas

SANTIAGO

25/luns

20 horas

FERROL

22/venres

18 horas

VIGO

25/luns

10 horas

PONTEVEDRA

25/luns

16 horas

OURENSE

26/martes

Pendente de confirmar

SILLEDA

22/venres

20 horas

  • PARQUES PRIVATIZADOS:

PARQUE

DATA

HORA

PONTEVEDRA

 

 

SALNÉS

25 xaneiro

16:00 horas

Fan a asemblea conxuntamente os tres parques

PORRIÑO

BUEU

OURENSE

26 de xaneiro

Por confirmar

A RUA

Nesta semana

Fan a asemblea conxuntamente os tres parques.

XINZO

VERIN

CORUÑA

Todas o 26/martes

Fan a asemblea conxuntamente todos os parques en Carballo ás 10 horas

ARTEIXO

BETANZOS

CARBALLO

ORDES

ARZUA

BOIRO

RIBEIRA

AS PONTES

CEE

SANTA COMBA

 

 

 

AdxuntoTamaño
comunicado_emerxencias.pdf27.63 KB