CIG-Servizos só apoiará a folga de UGT na seguridade privada para acadar melloras

Acción da seguridade privada na Coruña 5
Ante o anuncio de convocatoria de folga e mobilizacións na seguridade privada que realizou UGT, CIG-Servizos manifesta que só se adherirá a estas medidas de protesta se con elas se pretenden conseguir melloras nas condicións e salarios dos traballadores do sector. Cómpre lembrar que UGT dá por boas a conxelación salarial en 2009 e subas do 1´8% para 2010 e 2011, condicións que rexeita taxativamente a central nacionalista.
01/2/10.

CIG-Servizos está a explicar a súa postura por medio dunha carta aberta ao persoal do sector que está repartir masivamente polos centros de traballo.

"Se se quere convocar folga na seguridade privada, CIG-Servizos está plenamente disposta a apoiala. Pero primeiro hai que acordar e explicarlle ao sector que se quere conseguir. Non se pode chamar aos traballadores á folga sen dicirlles para que se fai. Non se realizou nunca na historia do Estado español unha folga parella a unha demanda de conxelación salarial. Folga si, pero para acadar melloras reais e subas importantes. Facer o contrario é enganar, do mesmo xeito que facer folgas sen crer nelas para xustificar posteriores firmas de malos convenios, algo que por desgraza neste sector xa ten pasado. E á historia nos remitimos", conclúe a carta.

AdxuntoTamaño
Carta_Aberta_Seg._Privada.pdf87.91 KB