O persoal de deportes decide proseguir coa folga

20100205_deportes_corunha.jpg
Os traballadores e traballadoras das instalacións deportivas acordaron en asembleas o 5 de febreiro proseguir coa folga indefinida no conflito que os enfronta coa patronal na negociación do convenio colectivo. Por conseguinte, as mobilizacións e protestas continuarán até que se produzan avances.
06/2/10.

Na asemblea celebrada na Coruña, na que non participou UGT por ter convocada outra só para a súa afiliación, CIG-Servizos amosou o seu total apoio á loita dos traballadores/as e desmentiu as informacións aparecidas en La Voz de Galicia nas que se aseguraba que as organizacións sindicais tiñan a intención de desconvocar a folga.

Ese mesmo día, empregados trasladáronse até o edificio administrativo da Xunta en Monelos coa intención de se reunir co superdelegado territorial. Os manifestantes realizaron unha sentada no recibidor, onde permaneceron por máis de media hora até que finalmente foron atendidos polo secretario do superdelegado, quen lles comunicou que a administración territorial tentaría pórse en contacto co director xeral de Deportes para buscar unha saída ao conflito.

Preme para consultar as actas da comisión negociadora do convenio