Atinxido un principio de acordo no conflito dos deportes

De seguido reproducimos as condicións pactadas que deberán plasmarse na redacción definitiva do convenio:

1º Vixencia: ata o 31 de Decembro de 2012.

2º Xornada: Reducir a 39 horas no ano 2010 e a 38 en 2012.

3º Distribución irregular da xornada: Eliminar a distribución irregular para os contratos inferiores a 30 horas semanais.

4º Incapacidade temporal: Abono do 85% a partir do cuarto día.

5º Salario: As táboas salariais quedan do seguinte xeito:

6º Garantía “ad personam”: As partes acordan que as premisas que regularán a definición da garantía “ad personam” na redacción definitiva do convenio colectivo se establecerán en torno a tres bloques independentes, concretamente en xornada, IT e condicións económicas, de acordo cos seguintes parámetros:

• Xornada: Recollidas as condicións novas establecidas no Convenio en xornada (vacacións, licenzas, permisos retribuídos, xornada anual, semanal, etc.) serán valoradas en cómputo anual e contrastadas coas que os traballadores e traballadoras tiveran con anterioridade a este convenio. Seranlles de aplicación as condicións máis beneficiosas no seu conxunto.
• Situacións de IT: Recollidas as condicións novas establecidas no Convenio en situación de IT por calquera causa, estas serán valoradas en cómputo anual e contrastadas coas que os traballadores e traballadoras tiveran con anterioridade a este convenio. Seranlles de aplicación as condicións máis beneficiosas no seu conxunto.
• Condicións económicas: Recollidas as condicións económicas novas establecidas no Convenio, estas serán valoradas en cómputo anual e contrastadas coas que os traballadores e traballadoras tiveran con anterioridade a este convenio. Seranlles de aplicación as condicións máis beneficiosas no seu conxunto. Non obstante aplicarase a mesma estrutura retributiva e confección de nómina. A todos os traballadores/as aplicaránselles as táboas deste convenio e as cantidades por riba das mesmas (calquera que sexa a súa natureza ou denominación), refundíndose nun único complemento cotizable denominado “ad personam”, de carácter compensable, absorbible e non revalorizable. Non obstante, garantiráselles, en todo caso, un incremento económico para cada un dos anos de vixencia do convenio colectivo equivalente a unha porcentaxe da suba anual pactada en convenio colectivo, que varía en función dos ingresos e categorías conforme ás seguinte táboa:

7º Suspensión da folga: A parte sindical asume o compromiso de suspender a folga que se vén desenvolvendo desde o 1 de febreiro de 2010. Os traballadores deberán, na mañá do 9 de marzo, reincorporárense aos seus postos. No caso de que algún empregado/a non puidera ser avisado e, polo tanto non se incorporara á súa hora, non será sancionado.

8º Reanudación da mesa negociadora: Para poñer fin ao proceso negociador, a mesa de negociación celebrará unha xuntanza o martes 16 de marzo de 2010.

9º Non será sancionado ningún traballador/a polo exercicio legal do dereito da folga.

Todo o anteriormente recollido adquirirá validez definitiva no momento de sinatura do convenio colectivo.