Continúan as protestas de repulsa ante os despedimentos en Carrefour

concentracion_carrefour_lugo_25-05-2011.jpg
CIG-Servizos de Lugo prosegue co calendario de mobilizacións ás portas do SMAC contra os tres despedimentos acontecidos recentemente na sección de chacinaría do Carrefour da cidade. A Federación manifesta o seu propósito de continuar coas protestas, mesmo no propio hipermercado, en caso de que a empresa non readmita as compañeiras.
25/5/11.

“Detrás destes despedimentos agóchase unha intención clara de precarizar o traballo, pois despediron tres traballadoras cunha ampla antigüidade, que seguramente suplirán con contratacións en precario”, aclara Xosé Paz, secretario comarcal da Federación.

A preocupación aumenta en relación cos rumores sobre a rescisión de contratos e mesmo a supresión de servizos realizados por empresas auxiliares como no caso da limpeza, cuxa eliminación ocasionaría a perda de máis dunha decena de postos.

“Se estes despedimentos se confirman e esta situación de inestabilidade e precariedade continúa, imos responder defendendo os postos e condicións de traballo e trasladaremos as mobilizacións ao propio centro comercial”, subliña Paz.