O sindicato pasa de unha a cinco delegadas e obtén a maioría absoluta en Cortefiel da Coruña

Contra os despedimentos en Cortefiel 2 (20090717)
CIG-Servizos alzouse coa maioría absoluta nas eleccións ao comité provincial coruñés do Grupo Cortefiel tras conseguir cinco delegadas de nove. A cadea que agrupa as tendas de moda CORTEFIEL, SPRINGFIELD, WOMEN’SECRET e FIFTY FACTORY conta con máis de 100 traballadores e traballadoras distribuídas na Coruña, Santiago de Compostela, Ferrol e Culleredo. Hai catro anos a central nacionalista tan só contaba cunha representante.
11/7/11.

Cómpre salientar a alta participación rexistrada, que estivo arredor do 80%. Unha das particularidades deste grupo radica no grande número de centros que ten espallados e no pouco persoal que traballa neles.

CIG-Servizos considera este resultado froito da loita en solitario da delegada e dunha estratexia de unidade de acción sindical que, de maneira miserábel, se esforzou en romper a empresa. O Grupo Cortefiel quixo montar directamente unha candidatura de CC.OO, sindicato que no sector do comercio na provincia da Coruña xa se está convertendo nun clásico do máis rancio amarelismo, que pon toda a súa estrutura a disposición das empresas sen ningún rubor.

 O comité quedará composto da seguinte maneira: 

      CIG-Servizos         5 membros

      UGT                      4 membros