O persoal da Torre prosegue co calendario de mobilizacións

20120125_persoal_da_torre_en_maria_pita.jpg
Os 13 traballadores despedidos da Torre de Hércules continúan coas mobilizacións para demandar a súa readmisión. O persoal realizou un acto simbólico na tardiña do 25 de xaneiro, que consistiu en reproducir o faro con candeas na Praza de María Pita. O Goberno local segue a ignorar este colectivo e non accede a se reunir con el, pese a que hai xa un mes que se rexistrou unha solicitude de entrevista co alcalde.
26/1/12.

O persoal solicítalle ao Concello que inclúa, no prego de condicións da nova concesionaria, unha cláusula que garanta a súa subrogación. Por outra banda, transcorridos once días desde o peche do faro, aínda non comezaron as obras que teoricamente se ían acometer.

O convenio recoñece a subrogación

O convenio galego de servizos, eventos e producións culturais, de aplicación ao persoal da Torre de Hércules, recolle o dereito de subrogación no artigo 30: “Ao termo da concesión dunha contrata, os/as traballadores/as da Empresa contratista saínte pasarán a ser adscritos/as á nova titular da contrata quen se subrogará en todos os dereitos e obrigacións”. Porén, o Goberno local permanece impasíbel.