A CIG gaña por maioría absoluta as eleccións en Distribuciones Froiz de Poio
O proceso de eleccións sindicais, no que a CIG-Servizos foi a central con maior representación, celebrouse o pasado día 7 de xuño. A central nacionalista logrou seis representantes no colexio de especialistas ao obter 119 votos, mentres que a UGT sumou dous grazas aos 36 apoios colleitados. A único delegado/a que se escollía polo colexio de técnicos/as e administrativos/as foi para a USO.
Dende a sección sindical da CIG en Distribuciones Froiz agradecen o apoio amosado polo cadro de persoal da empresa situada no concello pontevedrés de Poio e adiantan que continuarán a loitar na defensa dos dereitos laborais e pola mellora das condicións de traballo do conxunto dos empregados/as da compañía de distribución.