Wed 29/09/10 (All day)
O 29 de setembro está convocada en todo o Estado unha folga xeral en contra da reforma laboral aprobada polas Cortes españolas. A norma, á parte de abaratar o despedimento, dá máis facilidades aos empresarios para despediren os traballadores por motivos obxectivos (con indemnizacións de 20 días por ano traballado), ofrece a posibilidade de que os patróns se descolguen das táboas salariais marcadas nos convenios ou dá máis poder ás Empresas de Traballo Temporal, que poderán inserirse en sectores antes vetados para elas.